Halima Xudoyberdieva nomidagi ijod maktabi
ona tili va adabiyot fani o‘qituvchisi
Xaitov Xusniddin Xasanovich

TARJIMAYI HOLI

Xaitov Xusniddin Xasanovich – 1989-yil 23-yanvarda O‘zbekiston Respublikasi, Sirdaryo viloyati, Sardoba tumanida tug‘ilgan. 1996-2005-yillar Sardoba tumanidagi 13-umumta’lim maktabi, 2005-2007-yillar 1-umumta’lim maktabi o‘qigan. Guliston davlat universiteti bakalavri, Alisher Navoiy nomidagi Toshkent davlat o‘zbek tili va adabiyot universiteti magistratura bosqichlarida tahsil olgan. 2019-yildan buyon Halima Xudoyberdiyeva nomidagi ijod maktabi ona tili va adabiyot fani o‘qituvchisi lavozmida ishlab kelmoqda.
Xaitov Xusniddin Xasanovich – O‘zbekiston Yozuvchilar uyushmasi a’zosi (2020). Qirg‘iz Respublikasi Qirg‘iz shoir va yozuvchilar jamoat fondi a’zosi (2021). Qozog‘iston Respublikasidagi “Dunie talanttaro‘ odag‘o‘” “World talent union” Dunyo talantlari uyushmasi a’zosi (2021). Jahon Uyg‘ur yozuvchilar uyushmasi a’zosi (2024). “O‘zbekiston Respublikasi mustaqilliging 30 yilligi” ko’krak nishoni (2021), Abay nomidagi xalqaro medal (2021), “Eng yaxshi innovator – 2022”, xalqaro va “Iste’dod” respubilika tanlovi esdalik nishoni, “Shuhrat” medali (2022), Chingiz Aytmatov – oltin qalam ko‘krak nishoni (2023) bilan taqdirlangan.
2010-yil mahoratli va ijodkor pedagogning turkum she’rlari O’zbekiston Respublikasi Yozuvchilar uyushmasi muassisligidagi “Yoshlik” respublika jurnalida, “Zangor fasl” ijodkorlar bayozida nashr etilgan.
2011-yil “Sirdaryolik qiz” kitobi ko‘p hajmda chop etilgan.
2011-yil respublika yoshlar Forumi ishtirokchisi, seminar-treningda “Internet jurnalistikasi” sertifikati bilan taqdirlangan.
2011-yil O‘zbekiston Yozuvchilar uyushmasi “Do‘rmon” bog‘ida o‘tkazilgan seminar ishtirokchisi.
2012-yil Sirdaryo viloyat hokimligi tashabbusi bilan tashkil etilgan “Sirdaryo zarqalami” tanlovining “Kamol” yo‘nalashida g‘olib bo‘lib, viloyat hokimining diplomi va medal bilan taqdirlangan.
2013-yil “Vatanim taraqqiyotiga mening hissam” festivalida “Eng faol yosh ijodkor” nominatsiyasi g‘olibi bo’lgan.
2014-yil Xusniddinning qalamiga mansub “Hayrat”, “Iftixor” qo‘shig‘i “Yagonasan, muqaddas Vatanim” tanlovida g‘olib bo’lgan.
2015-2016 yillar akademik litseylarning 2-bosqich o‘quvchilari uchun “Leksikologiya. Stilistika”, “Morfologiya”, “Nutq madaniyati va davlat tilida ish yuritish” fanlaridan  qo’llanmalar yaratgan. “So‘zlar izohi”, “Badiiy san’atlar izohi” qo‘llanmalari muallifi.
2017-yil O‘zbekiston Yozuvchilar uyushmasi tomonidan tashkil etilgan an’anaviy Zomin seminarining Respublika bosqichi ishtirokchisi.
2019-yil O‘zbekiston Yozuvchilar uyushmasi tomonidan nashr etilgan “Sayxun sabolari” antologiyasiga she’rlari kiritilgan.
2020-yil she’rlari va maqolalari “Oltin avlod qo‘shiqlari” ijodkorlar bayozida chop etilgan.
2021-yil “Yangi asr avlodi” nashriyotida “Ko‘ngil tilining izohli lug‘ati” kitobi nashr etilgan.
2022-yil Turkiya Respublikasida “Turon adiblari” she’riy antologiyasida she’rlari turk tilida nashr etildi.
2022-yil Turkiya Respublikasining “Baygench” nashriyotida nashr etilgan “Mujde” antologiyasida turk tilida she’rlari chop etildi.
2022-yil Turkiyaning “Gunjel san’at” jurnalida she’rlari nashr etildi.
2022-yil “XX asr va zamonaviy adabiyot: tahlil va talqin masalalari” Respublika ilmiy-amaliy konferentsiya to‘plamini nashrga tayyorlab, chop etdi.
2022-yil “Ijod nashr” nashriyotida “Dilnurbitik” kitobi nashr etildi.
2022-yil Tojikiston Maorif, fan va madaniyat vazirligi Rasulov tuman bo‘limi “O‘qituvchi va o‘quvchi-kitobxon” gazetasi tahririyati tomonidan tashakkurnoma bilan taqdirlandi.
2023-yil “O‘zbekistonda ta’lim” jurnali tomonidan o’tkazilgan “Iste’dod” respublika tanlovi 1-o‘rinni egalladi va ko‘krak nishon va guvohnoma bilan taqdirlandi.
2023-yil AQShning Xalqaro “ATUNIS GALAXY POETRY” adabiy saytida turkum she’rlari ingliz tilida nashr etildi.
2023 yil “Eng ulug‘, eng aziz” viloyat tanlovining “Badiiy adabiyot” yo‘nalishi mutlaq g‘olibi.
2023-yil Hindiston Respublikasining “Namaste India” jurnalida she’rlari ingliz tilida chop etildi.
2023-yil Turkiyada “Taqvim taronasi” nomli kitobi turk tilida nashr qilingan.
2023-yil Qirg‘iziston Respublikasining “Yangi tong” gazetasida turkum she’rlari nashr etilgan.
2023-yil Tojikiston Respublikasining “Omo‘zgor va xonanda”, ya’ni “O’qituvchi va o’quvchi” gazetasida turkum she’rlari chop etildi.
2024-yil Ozarboyjonning Manevr.az saytida tarjimalari e’lon qilingan.
2024-yil Ozarboyjonning Yazarlar.az saytida tarjimalari nashr qilingan.
2024-yil Turkiyaning “Gerchek Fethiye” gazetasida she’rlari nashr etilgan.
2024-yil Turkiyaning “She’r bulog‘i” jurnalida tarjimalari e’lon qilingan.
Qolaversa,  “Biz buyuk farzandlarimiz” respublika konferentsiyasi to’plamida “Badiiy matnning fonetik-stilistik xususiyatlari”, “Xalq qo’shiqlari – qalb qo’shiqlari”, “Alpomish”dagi antroponimlar – lisoniy merosimizning bir qismi”, “Yoqub G’ulomov – Toshkent shahri shevasi tadqiqotchisi”, “Ijod maktablarida o’zbek modernistik she’riyatini o’qitish masalasi”mavzusidagi ilmiy-ommaviy maqolalar, “Xalq qo’shiqlarida dialektizmlar” maqolasi Turkiya Xalqaro konferentsiyasi to’plamida nashr etilgan.
Xusniddinning maqolalariXalqaro va respublika konferentsiyalarida, Oliy attestatsiya ro’yxatidagi jurnallarda nashr etilgan.
Oliy attestatsiya komissiyasi ro’yxatidagi respublika jurnalida, ya’ni O’zbekiston Milliy universitetining “O’zMU xabarlari”da “O’zbek shevashunosligi sohasida dialektal so’z maqomi masalasi”, Namangan davlat universitetining “Namangan davlat universiteti ilmiy axborotnomasi”da  “Alpomish” dostoni leksikasidagi dialektal-etnografik xususiyatlar haqida”, O’zbekiston Respublikasi Fanlar akademiyasi mintaqaviy bo’limi Xorazm Ma’mun akademiyasining “Xorazm Ma’mun akademiyasi axborotnomasi”da “Leksik-derivatsion dialektal so’zlarning “Alpomish” dostonida qo’llanilishi”, “Alpomish” dostonida qo’llanilgan dialektal oronimlarning talqin va tahlili ( Fozil Yo’ldosh va Abdunazar baxshi variantlari mioslida), “Tafakkur ziyosi” jurnalida “Alpomish” dostonida leksik-fonetik dialektal so’zlar”, “Alpomish” dostonida qo’llanilgan xalq o’yinlari xususida” hamda O’zbekiston Respublikasi Fanlar akademiyasi o’zbek tili va adabiyoti, folklori institutida o’tkazilgan “O’zbek tili va adabiyotini jahon miqyosida targ’ib etish: natija va vazifalar” mavzusidagi xalqaro ilmiy-amaliy anjuman to’plamida “Alpomish” dostoni leksikasidagi dialektizmlar tasnifi”, Alisher Navoiy nomidagi Toshkent davlat o’zbek tili va adabiyoti universitetida o’tkazilgan “O’zbek tili taraqqiyoti va xalqaro hamkorlik masalalari mavzusidagi xalqaro konferentsiyada  “Alpomish” dostoni matnidagi dialektal frazeologizmlar haqida”, “O’zbek dialektologiyasida ilmiy maktablar va ilmiy nazariy kontsepsiyalar”, “Filologiyaning dolzarb muammolari va uning innovatsion echimlari” mavzusida xalqaro ilmiy-amaliy anjumanida “Alpomish” dostoni variantlari dialektal matn sifatida”, shuningdek, «Konstitutsiya – baxtimiz qomusimiz» mavzusidagi maqolalar tanlovi hamda “Ta’limda raqamli texnologiyalarni tadbiq etishning zamonaviy tendentsiyalari va rivojlanish omillari” nomli respublika miqyosidagi ilmiy-onlayn konferentsiya materiallari “To’ra Sulaymon she’rlarida dialektizmlar” maqolalari chop etilgan va “Eng yaxshi maqola” nominatsiyasi bo’yicha g’oliblikni qo’lga kiritgan.
Ijod maktabi o’quvchilari tomonidan jamoaviy to’plangan shevaga xos so’zlar va folklor materiallari asosida “Ilk izlanishlar” lug’ati-ma’lumot to’plamini nashrga tayyorlagan. Bundan tashqari serqirra, intiluvchan tashkilotchi sifatida Prezidentimizning beshta muhim tashabbusini qo’llab-quvvatlab, ijod maktabida “Yosh ijodkorlar va jurnalistlar” adabiy to’garagini salmoqli va samarali yuritib kelmoqda. To’garak faoliyati davomida ijodkor o’quvchilarning “Ko’klam qo’shig’i”, “Kulchamning kulgichi”, “Mehr gullari”, “Ko’ngildan dasxat”, “Baxt bayrog’i”, “Quvonch bekati”, ilk kitoblari, shuningdek, respublika ijodkorlarining “Vatanni sev, bolajon”, “Seni yaxshi ko’raman, rayhon”, “Yalpizlar qo’shig’i” kitoblari Xusniddin Xaitovning mas’ul muharrirligida nashr etildi.
Mehnatsevar, kamtar, el-yurt manfaati yo’lida o’z kuch-g’ayratini ayamaydigan jonkuyar sifatida yillar davomida televideniya ko’rsatuvlari orqali hamda “O’zbekiston adabiyoti va san’ati”, “Kitob dunyosi”, “Ma’rifat”, “Ma’rifat ko’zgusi”, “Yangi Sirdaryo” (“Sirdaryo haqiqati”), “Adolat”, “Davr yoshlari” singari gazetalar orqali  jamiyat hayotidagi dolzarb mavzudagi maqolalari bilan ma’naviy targ’ibotchi – pedagog sifatida o’z munosabatlarini bildirib keladi.