Xəbər lenti
MİQ-in müsahibə mərhələsinin nəticələri açıqlandı
Bu barədə Məktəbəqədər və Ümumi Təhsil üzrə Dövlət Agentliyi məlumat yayıb.
Bildirilib ki, müsahibə mərhələsinin nəticələri barədə məlumatlar namizədlərin şəxsi səhifələrinə göndərilib.
Məlumata görə, müsahibə mərhələsində uğur qazanan namizədlər sentyabrın 10-u saat 18:00-dək zəruri sənədləri aidiyyəti yerli təhsili idarəetmə orqanına təqdim etməlidirlər:
"Təqdim edilməli sənədlər aşağıdakılardır:
- şəxsiyyəti təsdiq edən sənədin surəti;
- ali və ya orta ixtisas təhsili haqqında sənəd və ona əlavənin surəti;
- əmək kitabçasının əsli (olduğu təqdirdə);
- 4 ədəd 3x4 formatında fotoşəkil;
- sağlamlıq haqqında arayış;
- kadrlar uçotunun şəxsi vərəqəsi;
- şəxsi səhifədə işə qəbulun nəticəsinə dair çıxarış".
"Namizədlərə sənədlərini təqdim etdikdən sonra şəxsi səhifələrinə daxil olaraq çıxarışın təsdiq olunduğunu yoxlamaq tövsiyə olunur.
Çıxarışını təsdiq etdirməyən, eləcə də müsahibə mərhələsində uğur qazandıqdan sonra tutduğu vakant yerdən imtina edən namizədlərin növbəti turlarda iştirakı təmin olunmayacaq".
"Müsahibə mərhələsində uğur qazanmayan namizədlər sentyabrın 7-si saat 11:00-dan sentyabrın 8-i saat 11:00-dək şəxsi səhifələri vasitəsilə apellyasiyaya müraciət edə bilərlər. Apellyasiya müraciətləri yalnız elektron formada qəbul ediləcək.
Müsahibələrin onlayn formatda təşkili nəzərdə tutulur. Bununla əlaqədar namizədlər şəxsi səhifələrinə daxil olaraq müsahibə linkinin göndəriləcəyi elektron poçt ünvanını müvafiq xanaya qeyd etməli və iştiraklarını təsdiqləməlidirlər.
Elektron poçt ünvanını düzgün qeyd etməyən və elektron ərizəsini təsdiqləməyən namizədlərin apellyasiya müraciəti təmin olunmayacaq", - deyə məlumatda vurğulanıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar