Şimali Koreya lideri Kim Çen In Ukrayna ilə müharibədə Rusiyaya "qeyd-şərtsiz dəstək" göstərməyə hazır olduğunu açıqlayıb.
Manevr.az xəbər verir ki, Şimali Koreya Mərkəzi Xəbər Agentliyinin (KCNA) məlumatına görə, Kim bu bəyanatı Rusiyanın xarici işlər naziri Sergey Lavrovla Pxenyanda keçirilən görüş zamanı verib. Görüş iki ölkə arasında strateji əməkdaşlığın ikinci raundu çərçivəsində baş tutub.
Kim bildirib ki, "Moskva administrasiyasının Ukrayna böhranının əsas səbəblərini aradan qaldırmaq üçün gördüyü bütün tədbirləri şərtsiz dəstəkləməyə və təşviq etməyə hazırdır".
O, həmçinin Şimali Koreya ilə Rusiya arasında imzalanmış sazişin müddəalarına sadiq qaldıqlarını vurğulayıb.
Görüşdə tərəflər strateji məsələlərdə ortaq mövqedə olduqlarını təsdiqləyib və ikitərəfli münasibətlərin daha da dərinləşdirilməsi əzmini ortaya qoyublar.