26 avqustun "Laçın Şəhər Günü” elan edilməsi laçınlılar üçün ikiqat bayram oldu - Müşfiq Məmmədli

26 avqustun "Laçın Şəhər Günü” elan edilməsi çox böyük tarixi əhəmiyyətə malik bir qərardır. Bu, yeni bir ənənənin başlanğıcıdır. 

Bunu Manevr.az-a açıqlamasında Milli Məclisin deputatı Müşfiq Məmmədli deyib:

"Bu günü istər bugünkü, istərsə də gələcək nəsillər qeyd edərkən Azərbaycanın hansı yolları keçdiyinə nəzər salacaq. Bu yolun heç də asan olmadığını və bu torpaqların hər bir qarışının şəhid qanı ilə alındığını yad edəcəklər. Cənab Prezident İlham Əliyev Laçın Şəhər Günü ilə bağlı təntəntəli toplantıda çıxışında bəyan etmişdi ki, bu torpaqları bizə bəxş edən Azərbaycan ordusudur və onların əməyi, zəhməti tarix durduqca unudulmayacaq. Bu da insanlar da torpağa, vətənə, dövlətə bağlılıq yaradacaq, onlarda vətənpərvərlik hissini aşılayacaq. 

26 avqustun "Laçın Şəhər Günü” elan edilməsi laçınlılar üçün ikiqat bayram oldu. Laçınlılar həm öz yurdlaırna döndü, həm də həmin günü bayram kimi qeyd etdilər. Digər mühüm məqam isə ondan ibarət idi ki, 26 avqust həm də müasir Azərbaycan dövlətçiliyinin inkişafı, möhkəmlənməsi, güclənməsində əvəzsiz xidməti olan Birinci vitse-prezident Mehriban xanım Əliyevanın doğum günü idi. Mehriban xanım isə doğum gününü laçınlılarla bir yerdə olması, onlar üçün ən böyük hədiyyə idi. Bu heç bir zaman laçınlıların yaddaşından silinməyəcək, M.Məmmədli vurğulayıb.