Manevr.az publika.az-a istinadən xəbər verir ki, hərracın dəyəri 2,228 milyon dollar təşkil edib.
Maraqlıdır ki, 2007-ci ildə kanadalı həkim və qədim kitabların bilicisi Cerard Voqrinçiç onu keçmişin böyük əsərinin “qüsurlu” nüsxəsi kimi cəmi 14 256 dollara alıb.
Vesaliusun əsəri səbəbsiz olaraq tarixin ən böyük elmi kitablarından biri adlandırılmır. Kitab çap olunduqdan sonra o, həkimlərin 1 300 il istifadə etdiyi Qalenin işini əvəz edərək Avropada əsas tibbi atlas rolunu oynayıb. Vesalius tibb üzrə qədim kitablar üzərində çoxlu araşdırmalar aparıb, toplanmış məlumatları ümumiləşdirib, səhvləri düzəldərək onları yeni kəşflərlə tamamlayıb. Bundan əlavə, o, kitaba insan orqanlarının və məlum xəstəliklərin ətraflı təsvirlərini əlavə edib.
Hələ sağlığında Vesaliusun işi dəfələrlə mübahisə mövzusuna çevrilib, özü isə təqiblərə məruz qalıb. Məhz bu səbəbdən o, işini tərk edərək əlyazmalarını məhv edib. “De humani corporis Fabrica”nın 150-yə yaxın nüsxəsi bu günə qədər gəlib çatsa da, kənarlarında qeydləri olan kitabların heç bir dəyəri yoxdur. Bununla belə, Voqrinçiç başqa fikirdə idi - o, ifadələrin yazıldığı latın dilini bilməsə də, onların strukturundan bunun vacib bir şey olduğunu başa düşürdü.
Voqrinçiç Vesaliusun salamat qalmış əlyazmalarının nüsxələrini əldə etmək üçün çox səy göstərib və dəst-xətti müqayisə etdikdə məlum olub ki, kitabın haşiyələrindəki qeydlər ustadın öz əli ilə yazılıb. Sonrakı araşdırmalar göstərir ki, bunlar “De humani corporis Fabrica”nın üçüncü, nəşr olunmamış versiyasına düzəlişlərdir və müəllifin təqiblərə görə tamamlamağa vaxtı olmayıb.
Beləliklə, adi bir köhnə kitab indi Leuven Katolik Universitetinin muzeyində sərgilənəcək unikal bir əsərə çevrilib.