Xəbər lenti
Şekspirin anonim pyesinin sirri açıldı: Əsərin digər müəllifi də müəyyənləşdi
İngilis dramaturqu Uilyam Şekspirin 1596-cı ildə anonim şəkildə nəşr olunan “III Eduard” pyesinin əsas müəllifi olduğu müəyyənləşdirilib. Kompüter əsaslı dil təhlili əsərin digər hissələrinin isə onun müasiri və rəqibi hesab edilən Kristofer Marlo tərəfindən yazıldığını üzə çıxarıb.Manevr.az xəbər verir ki, bu barədə “The Guardian” nəşri məlumat yayıb.
Tədqiqatçılar əvvəllər Şekspirin pyesin yalnız bir neçə səhnəsini yazdığı ehtimalını irəli sürürdülər. Yeni araşdırma isə dramaturqun əsərin yaradılmasında daha böyük rol oynadığını göstərib. Tədqiqatın həmmüəllifi Rori Lohneyn bildirib ki, analiz Şekspirin əsas müəllif olduğunu təsdiqləməklə yanaşı, Marlonun da pyesin yazılmasında iştirakını üzə çıxarıb.
Araşdırma zamanı “III Eduard” pyesi müəllifliyi dəqiq müəyyən edilmiş əsərlərlə, eləcə də XVI əsrin sonlarında fəaliyyət göstərən daha 10 dramaturqun yaradıcılığı ilə müqayisə edilib. Müxtəlif kompüter linqvistikası metodlarından istifadə olunaraq müəlliflərin dil xüsusiyyətləri və tez-tez işlətdikləri sözlər təhlil edilib.
Nəticələrə əsasən, pyesin 23 hissəsi Şekspirə, doqquz hissəsi isə Marloya aid edilib. Tədqiqatçılar müəlliflərin ayrı-ayrı ifadələrindən çox, söz seçimlərinə və dil üslublarına diqqət yetiriblər. Məsələn, Marlonun əsərlərində tez-tez rast gəlinən “martial” sözü digər dramaturqların yaradıcılığında o qədər də xarakterik deyil.
Alimlərin fikrincə, bu nəticələr iki dramaturqun münasibətlərinə dair mövcud təsəvvürləri də dəyişə bilər. Əvvəllər əsasən rəqib və bir-birinə təsir göstərən müəlliflər kimi təqdim olunan Şekspir və Marlonun daha yaxın yaradıcılıq əlaqələri olduğu ehtimal edilir.
Qeyd edək ki, Kristofer Marlo 1593-cü ildə, 29 yaşında vəfat edib. 2016-cı ildə aparılan başqa bir araşdırmada da onun Şekspirin “VI Henri” silsiləsinə daxil olan üç pyesinin yazılmasında iştirak etdiyi irəli sürülmüşdü. Yeni tədqiqat isə iki dramaturqun əməkdaşlığının daha geniş miqyasda ola biləcəyini göstərir.qaynarinfo
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Əkbər QOŞALI
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
Sorğu
Portalımızı dəyərləndirin.
Çox oxunanlar