15 Sentyabr – Bilik Günü: Birincilərin böyük addımı – FOTOLAR
Bu gün ölkəmizin hər yerində olduğu kimi, təhsil ocaqlarımızda da xüsusi bir təntənə və sevinc yaşanır. 15 Sentyabr – Bilik Günü münasibətilə minlərlə balaca fidanımız həyatlarının ən məsuliyyətli, maraqlı və unudulmaz mərhələsinə qədəm qoyur.
İlk dəfə məktəb partası arxasında əyləşən, əllərində tər çiçəklər, gözlərində isə tükənməz öyrənmək həvəsi olan birinci sinif şagirdləri üçün bu gün elmin və biliyin işıqlı dünyasına açılan qapıdır.
Hər bir uşağın ilk zənglə başlayan bu təhsil səyahəti gələcəyimizin bünövrəsidir. Məktəbli formasını böyük qürurla daşıyan balaca fidanlarımız təkcə oxuyub-yazmağı öyrənməyəcək, həm də Vətənimizə, cəmiyyətimizə faydalı birər şəxsiyyət kimi yetişəcəklər. Onların kövrək çiyinlərində daşıdıqları məktəbli çantaları əslində böyük arzuların və parlaq hədəflərin daşıyıcısıdır.
Manevr.az olaraq, məktəbli adını ilk dəfə qazanan bütün birincilərimizi, onları böyüdən valideynləri və fədakar müəllimləri ürəkdən təbrik edirik. Qoy bu ilk addım balalarımıza həmişə uğur və parlaq gələcək gətirsin!
Bilik Gününüz mübarək, əziz birincilər!
Manevr.az
15 Sentyabr – Bilik Günündən fotoreportajı təqdim edirik:
.jpg)
