Xəbər lenti
İnsan 500 il yaşaya bilərmi? - Alimdən təəccübləndirən açıqlama
Bəzi riyazi modellərə əsasən, insan ömrünün nəzəri həddi təxminən 150 il ola bilər.Manevr.az xəbər verir ki, bunu Honkonq Şəhər Universitetinin professoru, təkamülçü bioloq Pyotr Lidski “Gazeta.Ru”ya açıqlamasında bildirib.
Alim qeyd edib ki, insan ömrünün potensialından danışarkən nəzəri mülahizələri təsdiqlənmiş elmi məlumatlardan ayırmaq vacibdir. Hazırda insanların təxminən 120 ildən artıq yaşadığına dair etibarlı məlumat yoxdur.
Uzunömürlülük üzrə ən məşhur nümunələrdən biri fransalı Janna Kalmanın 122 il yaşamasıdır. Bununla belə, onun yaşı ilə bağlı mübahisələr mövcuddur. Bəzi fərziyyələrə görə, Kalman əslində öz anasının kimliyindən istifadə etmiş ola bilər.
Lidskinin sözlərinə görə, müəyyən fərziyyələr əsasında qurulan bəzi riyazi modellər insan ömrünün nəzəri həddini təxminən 150 il kimi qiymətləndirir. Lakin bu, qəti elmi nəticə deyil və birbaşa modelin ilkin fərziyyələrindən asılıdır. Həmin fərziyyələr yanlış olarsa, nəticə də dəyişə bilər.
Bioloq vurğulayıb ki, hazırda insan ömrünün fundamental həddinin məhz 120 və ya 150 il olduğunu təsdiqləyən inandırıcı elmi əsaslar yoxdur.
Təbiətdə isə insandan xeyli uzunömürlü orqanizmlər mövcuddur. Qrenlandiya köpəkbalıqları bir neçə əsr, Qrenlandiya balinaları isə 200 ildən çox yaşaya bilir. Bəzi ağacların ömrü min illərlə ölçülür. Bu nümunələr bioloji sistemlərin çox uzun müddət yaşaya biləcəyini göstərsə də, insan orqanizmini bu cür dəyişdirmək və tibbi müdaxilələrlə ömrü əhəmiyyətli dərəcədə uzatmaq hələ mümkün deyil.
Lidski insanın nəzəri olaraq 500 il yaşaya biləcəyi ehtimalını da şərh edib. Onun fikrincə, hazırkı elmi biliklər bu iddianı nə qəti şəkildə təkzib etməyə, nə də təsdiqləməyə imkan verir.
Alim bildirib ki, gələcəkdə elm qocalmanın fundamental mexanizmlərini üzə çıxarsa və onlara təsir göstərməyin effektiv yollarını tapsa, insan ömrünün sərhədləri əhəmiyyətli dərəcədə dəyişə, hətta 500 ili də keçə bilər. Ancaq hazırda belə bir ömür müddətini təsdiqləyən etibarlı eksperimental məlumatlar və inandırıcı riyazi modellər yoxdur. Buna görə də bu cür iddialar elmi cəhətdən əsaslandırılmış nəticə deyil, nəzəri fərziyyə kimi qiymətləndirilməlidir.publika.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Əkbər QOŞALI
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
Sorğu
Portalımızı dəyərləndirin.
Çox oxunanlar