Manevr.az-ın xəbərinə görə, 69 yaşlı Fridrix Merts yeni hökuməti formalaşdırıb ona rəhbərlik edəndə Konrad Adenauerdən sonra ən yaşlı kansler olacaq. Müharibədən sonrakı yeni Federal Respublikasının ilk kansleri bu vəzifəyə 1949-cu ildə 73 yaşında başlayıb.
Fridrix Merts həyat yoldaşı ilə şəxsi təyyarəsindəFridrix Merts 1955-ci il noyabrın 11-də Qərbi Almaniyanın Brilon şəhərində anadan olub. 17 yaşında Xristian Demokrat İttifaqının (CDU) Gənclər birliyinə üzv olub və fəallığı ilə seçilib. 1976-1982-ci illərdə hərbi xidmətdən sonra Bonn və Marburq universitetlərində hüquq təhsili alıb.
Uzun illər Fridrix Merts siyasi və peşəkar fəaliyyəti birləşdirib. 1980-ci illərin əvvəllərində Saarbryükken Rayon Məhkəməsində hakim olub. 1986-cı ildə Alman Kimya Sənayesi Assosiasiyasında hüquqşünas kimi işləməyə başlayıb və sonradan bir çox Alman sənaye birlikləri ilə qarşılıqlı əlaqədə olub. Həmin ildən vəkillik fəaliyyəti ilə məşğuldur. 2005-2021-ci illərdə “Mayer Braunn” LLP beynəlxalq hüquq firmasının (qərargahı Düsseldorfda yerləşir) əməkdaşı olub.
1980-ci ildə Merz Xristian Demokrat İttifaqı Gənclər Liqasına rəhbərlik edib. Uzun müddət partiyanın iqtisadi və maliyyə eksperti olub. 1989-1994-cü illərdə XDİ-dən Avropa Parlamentinin, 1994-2009-cu illərdə isə Bundestaqın (Almaniya parlamenti) deputatı olub. 1998–2000 və 2002–2004-cü illərdə XDİ/XSB fraksiyasının sədr müavini (2000–2002-ci illərdə XDİ-nin Bavariya Xristian Sosial Birliyi partiyası ilə parlament birliyi), fraksiyaya rəhbərlik edib.
2018-ci ildə Merts siyasətə qayıtdığını elan edib. 2021-ci ilin dekabrında o, XDİ-nin sədri seçilib və 2022-ci ilin yanvarında vəzifəsinin icrasına başlayıb.
Fridrix Merts yaxşı natiq və polemikaçı sayılır. O, müxtəlif mövzularda, o cümlədən iqtisadiyyat sahəsində bir sıra nəşrlərin müəllifidir. 2005-ci ildə o, həyat yoldaşı ilə birlikdə aztəminatlı ailələrdən olan uşaqlara dəstək olmaq üçün fond yaradıb, xüsusilə də onların təhsil problemləri ilə məşğul olur.
1981-ci ildən Merts ixtisasca hüquqşünas olan Şarlotta Mertslə evlidir. Onların üç övladı var.
