_99.jpg)
Xəbər lenti
“13-cü qurultayda AYB sədrliyinə namizədliyimi irəli sürəcəyəm” – Tural Turan
Son günlər AYB üzvü, Prezident təqaüdçüsü, gənc şair Emil Rasimoğlunun Azərbaycan Yazıçılar Birliyinin XIII qurultayında namizəd olacağını açıqlaması ölkə mediyasında eləcə də ədəbi cameədə müxtəlif səpkili müzakirələrə səbəb olub.
Manevr.az xəbər verir ki, E. Rasimoğlundan sonra daha bir gənc şair Azərbaycan Yazıçılar Birliyinin XIII qurultayında namizəd olacağını açıqlayıb.
“Hazırkı sədr və onun komandası gənc yazarların beynəlxalq aləmdə, dünyada tanıdılması üçün heç nə etməyib. Xaricdə hər hansı tədbir olarsa üç-beş eyni simalar adamlar gedir. Azərbaycanın həmin adamlardan başqa istedadlı yazarları yoxdur? Var. Amma kölgədə qalırlar. Prezident təqaüdü istisna olmaqla gənclər üçün heç nə edilməyib. Xarici ölkələrdə kitabları çap olunmayıb. Halbuki prezident 800 min manat bir, daha sonra da 3 milyon manat ayırıb. Bəs bu pullar hara xərclənib? Hesabatı da verilməyib. Bütün bunları nəzərə alaraq AYB-də yeni idarəetməyə ehtiyacın olduğunu görürəm. Düşünürəm ki, bütün problemlərin öhdəsindən gələrəm. Ona görə də 13-cü qurultayda namizədliyimi irəli sürəcəyəm”.
Bu sözləri Modern.az-a açıqlamasında Prezident təqaüdçüsü, Azərbaycan Yazıçılar Birliyinin Gənclər Şurasının üzvü, şair Tural Turan deyib.
AYB Gənclər Şurasının üzvü bildirib ki, qurultay öncəsi namizədlik platformasını açıqlayacaq:
“Hələ indidən platformamı açıqlamaq istəmirəm. Tezdir. İndi əsas məsələ namizədliyimiz təsdiqlətməkdir. Xalq yazıçısı Çingiz Abdullayevin, Xalq şairi Fikrət Qocanın açıqlamalarından belə gördüm ki, onlar bu dəfə də gəncləri namizəd kimi görmək istəmirlər. Çünki çəkinirlər. Axırıncı qurultaydan üzübəri gənclərin dünyada tanıdılması üçün heç nə edilməyib. Kitabları xarici dillərə tərcümə olunmayıb. Halbuki üzvü olduğum qurumun buna maddi imkanları da çatır. Ən yaxşı halda Çingiz Abdullayevin, Anarın, nisbətən gənc sayıla biləcək Səlim Babullaoğlu əfəndinin kitabları xarici dillərdə yayımlanıb. İmzaları tanıdılıb. Təbii ki, bunlar sevindirici məqamlardır. Özü də Azərbaycan poeziyası adına. Amma əksər istedadlı gənclər bu kimi uğurlardan kənarda qaldı. İndi Azərbaycanın ən gənc yazarları heç qonşu Gürcüstanda, Türkiyədə də tanıdılmır. Halbuki, AYB-nin bu ölkələrin yazıçılar birlikləri ilə çox yaxşı əlaqələri var. Maliyyə məsələsi də bəhanə edilə bilməz. Çünki ölkə başçısı yuxarıda qeyd etdiyim kimi, AYB-yə vaxtaşırı olaraq pul ayırır. Özü də külli miqdarda. Ən azından 800 min manata 10 yazıçının kitabını müxtəlif xarici dillərdə çap etmək olardı”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar