_99.jpg)
Xəbər lenti
Dilqəmlə Şahbaz Azərbaycana təhvil verilir - Şərtlər açıqlandı
“Paşinyanla İlham Əliyevin görüşündə əsir və girovların dəyişdirilməsi barədə fikir mübadiləsi olub”.
Manevr.az xəbər verir ki, bu sözləri yenicag.az-a açıqlamasında erməni əsirliyində olan Dilqəm Əsgərovla Şahbaz Quliyevin Azərbaycana qaytarılması ehtimalını şərh edərkən politoloq Qabil Hüseynli deyib.
Qabil Hüseynlinin sözlərinə görə, İlham Əliyevlə Paşinyanın görüşündə əsirlərin dəyişdirilməsi ilə bağlı razılıq əldə edilib:
“Azərbaycan tərəfi hamının-hamıya dəyişdirilməsi prinsipini irəli sürür. Erməni tərəfi isə bir nəfərin bir nəfərə dəyişdirilməsi üzrə hərəkət edir. Əgər humanitar razılaşmadan söhbət gedirsə, onlarda olan əsirlər hamısı geriyə qaytarılmalıdır, Azərbaycanda olan əsirlər də ermənilərə təhvil verilməlidir. Əldə etdiyimiz məlumata görə, Ermənistanda 5500 azərbaycanlı əsir var. Azərbaycanda isə bunlar barmaqla sayılacaq qədərdir. Azərbaycanda olan erməni əsirlərin hamısı hərbi əsirlərdir. Azərbaycanlı əsirlərin demək olar ki, hamısı mülki əsirlərdir. Müharibə şəraitində əsir düşüblər”.
Qabil Hüseynli Dilqəmlə Şahbaza görə 2 erməni kəşfiyyatçının qaytarılacağını vurğulayıb:
“Əldə edilmiş razılığa uyğun olaraq, Dilqəmlə Şahbazın qaytarılması üçün ermənilərin 2 hərbi kəşfiyyatçısını qaytarmağa razı olmuşuq. Onlardan biri Ağdarə rayonunda əsir düşmüş kəşfiyyat dəstəsinin komandiridir, rütbəsi kapitandır, digəri isə Tovuz istiqamətində əsir düşmüş kəşfiyyatçıdır. Bu məsələ demək olar ki, prinsipcə razılaşdırılıb. Beynəlxalq təşkilatlar dəyişdirilməyə və onları müşayiət etməyə razılıq veriblər”.
Politoloq qeyd edib ki, dəyişdirilmə yaxın günlərdə baş tutacaq.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar