.jpg)
Xəbər lenti
Jurnalistikada qabiliyyət imtahanı: Belə yanaşma özünü doğrultmur - ŞƏRH
"Jurnalistika fakultəsinə qəbul zamanı qabiliyyət imtahanı lazımdır. Nəyə görə? Çünki jurnalistika peşədir". Manevr.az bildirir ki, bunu qaynarinfo-ya Azərbaycan Jurnalislər Birliyinin sədri Elçın Şıxlı deyib. Onun sözlərinə görə, əvvələr belə imtahanlarda məqalə yazmaq tələb olunurdu: 
"İndi qabiliyyət imtahanının nədən ibarət olduğunu bilmirəm. Ona görə də suala cavab verməyə çətinlik çəkirəm. İmtahanın nədən ibarət olduğunu bilmək lazımdır. Məsələn, bir metod ondan ibarətdir ki, abuturent imla yazır. Belə imtahan olmasa, daha yaxşıdır. Digər metod ondan ibarətdir ki, şifahi imtahan götürüsən. Onun nə istədiyini, jurnalistikaya nə üçün gəldiyini, jurnalistika onun üçün nədən ibarət olduğunu da bilmək üçün bu metod daha keçərlidir".
Media eksperti Qulu Məhərrəmli isə qabiliyyət imtahanında 3 müxtəlif mövzu verildiyini açıqlayıb:
"Məsələn, "Mənim vətənim gözəldir”, "Qarabağ" və digər vətənpərvər mövzularda abuturentin qabiliyyətini yoxlamaq mümkündür. 17-18 yaşlı abituriyentlər belə suallara cavab yazırlar. Bu, jurnalistika deyil. Jurnalistikanın mahiyyəti fərqlidir. Ən yaxşı halda bu publisistika ola bilər. Bunu da hamı yaza bilir. Az-çox düşüncə və yazmaq qabiliyyəti olanların hər biri bunu yaza bilər. Amma bu jurnalist olmaq demək deyil".
Qabiliyyət imtahanı harada tətbiq olunur? Qulu Məhərrəmli dünyada belə bir təcrübənin mövcud olduğunu qeyd edib:
"Xüsusi istedad tələb edən ixtisaslara qabiliyyət imtahanı ola bilir. Məsələn, musiqi, rəssamlıq, idman, aktyorluq və s. istedad tələb edən ixtisaslara qabiliyyət imtahanı olmalıdır. Yoxlanılmalıdır ki, onlardan aktyor ola bilər, ya yox. Duyumları yoxlanılmalıdır. Jurnalistika xüsusi istedad tələb edən sahə deyil. Müəyyən yazı vərdişləri, müəyyən texnologiya ilə yazmaq tələb edilir. Xəbər strukturunu bilmək, yazmaq və s. Bunların hər biri dərs prosesində öyrədilir. Diqqətli tələbə, yaxşı təhsil alarsa, istedadlı jurnalist ola bilər. Təbii ki, jurnalist olmaq üçün insan da həvəs olmalıdır. Həvəs olmadan heç nə olmur. Hətta magistaturada da qabiliyyət imtahanı tətbiq olunur. Bu gülüncdür. Qabiliyyət imtahanı lazımsız bir şeydir".
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar