Xəbər lenti
“Hər çanağı dar qadına doğuşu qadağan etmək düzgün deyil” -Səbinə Mirzəyeva
Doğuş zamanı əksər hamilə qadınların çanağının dar olduğu ortaya çıxır. Bu zaman daha çox təbii doğuşa yox, qeysəriyyə kəsiyi ilə əməliyyata üstünlük verilir. Bəzi hallarda isə bu cür doğumlar təbii yolla həyata keçirilir, bu isə körpənin və ananın sağlamlığı üçün olduqca zərərlidir. Bəs doğum zamanı dar çanaqla bağlı problem yaşanmaması üçün nə etmək lazımdır?
Manevr.az ailem.az-a istinadən problemlə bağlı ginekoloq Səbinə Mirzəyevanın fikirlərini təqdim edir.
Həkim deyir ki, hamiləlik zamanı, ən əsası doğuşa yaxın zamanda çanağın ölçülməsi ən vacib məqamlardan biridir: “Çünki dölün başı çanaq halqasından daha böyük olduqda doğuş zamanı ağır fəsadlar baş verə bilər. Bu problemlərlə üzləşməmək üçün çanağın doğuşa uyğun olub-olmadığını öncədən bilmək vacibdir”.
Onun sözlərinə görə, çanaq dar olan durumlarda qeysər əməliyyatı məsləhət görülür. Lakin hər dar çanağı olan qadına doğuşu qadağan etmək düzgün deyil: “Dar çanaq anlayışı 2 qrupa bölünür: Funksional və kliniki dar çanaq. Kliniki dar çanaq qeysəriyyəyə göstərişdir. Kliniki dar çanaq diaqnozu yalnız doğuş zamanı, çanağın və dölün başının ölçülərindəki uyğunsuzluğu müəyyən etməyə imkan verən bir sıra əlamətlər məcmusuna əsasən müəyyən edilir. Anatomik dar çanağa isə 5-7 faiz qadınlarda rast gəlinir. Anatomik dar çanağın əsas ölçülərindən biri normal çanaqdan ən azı 1,5-2 sm və daha kiçik olan çanaq hesab edilir. Belə hallarda doğuş kanalı vasitəsilə dölün başının irəliləyişi dayanır, çanaq demək olar ki, tamamilə dar olur və funksional cəhətdən doğuşa kifayət etmir”.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar