Müzakirə olunan daha bir məsələ isə yazıçı Anarın yaşı və səhhəti deyil, bu durumuna rəğmən Yazıçılar Birliyi sədrliyindən istefa verməməsidir. 87 yaşlı yazıçının israrla vəzifədə qalma istəyi tənqid hədəfinə çevrilib.
Manevr.az bildirir ki, AYB-nin üzvü, şair-publisist Emil Rasimoğlu bu barədə Sitat.info-ya açıqlama verərək qeyd edib ki, Anarın 87 yaşında o əlil arabasıda Yazıçılar Birliyinin sədri kimi əyləşməsi faciədir: "Öncə Anara şəfa diləyib, can rahatlığı arzulayıram. Məlum fotoya gəldikdə isə, bilirsiniz, bu gün Anar yaşının elə bir çağında, dönəmindədir ki, onun xəstələnməsi də, hətta əlil arabasında əyləşməsi də ağrılı ola bilər, amma təbiət baxımındam faciə ola bilməz. Anarın faciəsi bu deyil ki...
Faciə oradadır ki, Anar bu yaşa Yazıçılar Birliyinin sədri kimi gəlib, faciə oradadır ki, 87 yaşlı Anar o əlil arabasında Yazıçılar Birliyinin sədri kimi əyləşib, əyləşir... Faciə oradadır ki, Anar bu yaşda gələcəklə, gəncliklə döyüşür. Baxın, bu artıq Anarın düşüncə tərzinin, bu istiqamətdəki təfəkkür mahiyyətinin diktatorluğu, kürsü hərisliyi, özündən sonrakı gələcəyi tanımaq istəməmək prinsipi və bunların fonundakı amansız faciəsidi. Budur Anarın əsl faciəsi, acınacaqlı durumu... Anar öz düşüncələrinin amansız məngənəsindən xilas ola bilmədi. Heç deyəsən, xilas olmaq da istəmir...".
Aytac
