Xəbər lenti
Məktəblərdə İncilin tədrisi məcburi OLACAQ
ABŞ-nin Texas ştatı dövlət məktəblərində yeni məcburi oxu proqramını təsdiqləyib.
Qərara əsasən, ingilis dili və ədəbiyyatı dərslərində İncilin seçilmiş hissələri məcburi tədris materialları siyahısına daxil ediləcək.
Texas Ştat Təhsil Şurası qərarı 9 lehinə, 5 əleyhinə səslə qəbul edib. Yeni proqramın 2030-cu ildən etibarən mərhələli şəkildə tətbiq olunacağı və 5 milyondan çox dövlət məktəbi şagirdini əhatə edəcəyi bildirilir.
Qərarı dəstəkləyənlər İncilin ABŞ-nin tarixi, mədəniyyəti və ədəbiyyatının öyrənilməsi baxımından mühüm mənbə olduğunu vurğulayırlar. Onların fikrincə, müqəddəs kitabdan seçilmiş mətnlərin tədrisi şagirdlərin ölkənin mədəni irsini daha yaxşı anlamasına kömək edəcək.
Bununla yanaşı, qərar ABŞ-də müzakirələrə səbəb olub. Tənqidçilər hesab edirlər ki, dövlət məktəblərində İncil parçalarının məcburi tədrisi ölkə Konstitusiyasında təsbit olunmuş din və dövlətin ayrılığı prinsipinə ziddir və digər dini inanclara mənsub və ya dinsiz şagirdlərin hüquqlarına təsir göstərə bilər.
Qeyd olunur ki, qərar şagirdləri dini ayinlərdə iştirak etməyə və ya ibadət etməyə məcbur etmir. Məcburilik yalnız İncilin seçilmiş hissələrinin ədəbiyyat və dil proqramı çərçivəsində tədris olunmasına aiddir. modern.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar