Xəbər lenti
Bu qəpiyi gətirənə 66 min verirlər -Şəkil
Türkiyədə kolleksiyaçılar arasında maraq doğuran nadir sikkələrdən biri rekord qiymətə satışa çıxarılıb. Onlayn satış platformalarından birində Türkiyə Böyük Millət Məclisinin açılışının 50 illiyi münasibətilə zərb edilmiş xatirə sikkəsi üzərindəki istehsal qüsuruna görə 66 min 500 lirəyə təklif olunur.Söhbət 1920–1970-ci illəri əhatə edən yubiley münasibətilə buraxılmış, 16 qram çəkisi olan gümüş 25 lirəlik xatirə sikkəsindən gedir. Məlumata görə, bu sikkədən ümumilikdə 23 min ədəd hazırlanıb.
Elan sahibi sikkənin “çox nadir” kateqoriyasına aid olduğunu bildirir. Bunun səbəbi isə üzərindəki Atatürk portretində görünən zərb xətasıdır. Məlumata görə, portretin göz hissəsində istehsal qüsuru yaranıb – sol göz böyük, sağ göz isə kiçik və qapalı formada təsvir olunub. Kolleksiyaçılar arasında bu cür səhv zərb edilmiş sikkələr daha qiymətli hesab edilir.
Elanda sikkənin vəziyyəti “çox yaxşı” kimi göstərilib. Hazırda həmin nümunə 5 faiz endirim tətbiq olunduqdan sonra 66 min 500 türk lirəsinə satışa çıxarılıb. Satışda cəmi bir ədəd olduğu və pulsuz çatdırılma imkanının təqdim edildiyi qeyd olunur.
Numizmatika mütəxəssisləri bildirirlər ki, nadir istehsal qüsurları olan sikkələr zamanla kolleksiya bazarında adi nümunələrdən qat-qat yüksək qiymətə alınıb-satıla bilir. Bu səbəbdən bəzi kolleksiyaçılar belə nümunələri investisiya vasitəsi kimi də qiymətləndirirlər. musavat.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar