Azərbaycanlı gənc dayanacaqda maşınla insanları əzdi

Rusiyanın Moskva vilayətində 25 yaşlı Azərbaycan vətəndaşı “Hyundai” markalı avtomobillə ictimai nəqliyyat dayanacağında insanları vurub.
Manevr.az bildirir ki, hadisə Dolqoprudnı şəhərində, Lixaçev prospektində baş verib. Məlumata əsasən, sürücü saxlanılıb və izahat verib.
Onun sözlərinə görə, yol-nəqliyyat hadisəsinə avtomobilin qəfil nasazlığı səbəb olub və buna görə o, nəqliyyat vasitəsinə nəzarəti itirib.
Dünyanın ən quraq yerinə qar yağdı: inanılmaz dərəcədə heyrətamiz nadir hadisə
Bu 3 elektrik cihazını istifadə etmədikdə şəbəkədən çıxarın – həm enerjiyə, həm də pula qənaət 
Vanqadan avqust ayı üçün dəhşətli PROQNOZ: mahiyyəti nədir?
Lakin hadisənin şahidləri tamamilə fərqli mənzərə təsvir edirlər. Onların sözlərinə görə, buna səbəb sürücünün aqressiv idarəetmə tərzi, zolaqdan zolağa xaotik şəkildə keçməsi və yağışdan sonra asfaltın yaş olmasıdır.
Şahidlərin bildirdiyinə görə, avtomobil qəfil sağa-sola hərəkət edərək metal arakəsməyə çırpılıb, bundan sonra isə maşın fırlanaraq birbaşa dayanacaq köşkünə düşüb. Həmin anda köşkdə insanlar olub. Əsas zərbə skamyada oturan gənc cütlüyə dəyib. Dayancağın digər sərnişinləri isə vaxtında reaksiya verərək qaçıb və xoşbəxtlikdən xəsarət almayıb.
Hazırda polis hadisənin bütün təfərrüatlarını araşdırır.lent.az