_99.jpg)
Xəbər lenti
Əflatun Amaşov: "Bizdə olsaydı dünya yazardı, Britaniya mediası susur"
Mətbuat Şurasının İdarə Heyətinin sədri Əflatun Amaşov Londondakı hadisəni qınayır.Manevr.az-ın məlumatına görə, o bildirib ki, Britaniyanın aparıcı media orqanları Azərbaycanın Londondakı əsas diplomatik nümayəndəliyinə qarşı hücumun təqdimatına demək olar, yer vermədilər:
"Baxmayaraq ki, təxribat aktı Avropa üçün təhlükəli sayılan dini fanatizm, islam fundamentalizmi rənglərinə bürünmüşdü. Başqa vaxt qitənin islamafobları ayağa qalxardılar. İndi onlar da susublar. Belə görünür, ya Britaniya Avropa deyil, ya da biz Britaniyanın olduğu Avropanı tanımırıq. Nəticəyə gəlirəm ki, islamafobiyanın özü də qəlibləşdirilmiş siyasi struktura malikdir. Yəni bu cərəyanın reaksiya verəcəyi durumlar da kifayət qədər konkretdir. Hər şey ölçülü-biçilidir, hesablanmışdır. Nə isə, sözüm bunda deyil.
Təsəvvür edək ki, Böyük Britaniyanın Azərbaycandakı Səfirliyinə hücum olub, Britaniya bayrağı endirilib. Lap Böyük Britaniyanı bir kənara qoyaq, ölkəmizdəki hər hansı xarici ölkənin diplomatik missiyasında təxribat törədilib. Bircə anlığa dünya mediasının nələrdən yazacağını düşünün? Hansı paralellər aparacağını da. Bəlkə hələ öz vətəndaşlarını Azərbaycana səfərdən imtina etmək yönümlü çağırışlar edən kütləvi informasiya vasitələri də tapılardı.
Ancaq “BBC“, “ITV”, “Sky news” kimi nüfuzlu telekanallar, “The Times”, “Daily Mail”, “The Telegraph”, “The Spectator”, “Private Eye”, “The Guardian“ kimi populyar nəşrlər Azərbaycan səfirliyinə qarşı hücumu, yəni faktiki olaraq Britaniyadakı Azərbaycan ərazisində törədilmiş təxribatı susaraq qarşıladılar. Yalnız az populyar nəşrlərdə hadisə barədə ötəri təqdimata rast gəlinir. Eyni yolu “BBC”nin Azərbaycan və Fars xidməti də tutdu. Yeri gəlmişkən, onu da deyim ki, BBC Azərbaycanda cinsi azlıqların nümayişini canlı yayımlayırdı.
Azərbaycanın Britaniya və Şimali İrlandiya Birləşmiş Krallığındakı Səfirliyinə qarşı hücum və bayrağımıza qarşı aşkar hörmətsizlik faktına media yanaşması bir daha onu göstərdi ki, dünyada peşəkar jurnalistika standartları gerçək hədəf və mahiyyətindən uzaqdır. Bu standartlar özünü yalnız siyasiləşmiş və ya siyasiləşdirilmiş məsələlərə münasibətdə göstərir".lent.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar