.png)
Xəbər lenti
Təhsil qanunu niyə birmənalı qarşılanmır? – Millət vəkili
Təhsil Qanunu ilə bağlı dəyişiklik birmənalı qarşılanmasa da, müvafiq icra hakimiyyəti orqanlarının qərarlarından sonra bu barədə daha dəqiq danışmaq olar.
Bu sözləri Milli Məclisin Elm və təhsil komitəsinin üzvü Asim Mollazadə "Təhsil haqqında” qanuna dəyişikliklərlə bağlı axar.az-a danışarkən deyib. Ali təhsil sistemində bakalavriat səviyyəsində bir illik ödənişli hazırlıq qruplarının yaradılmasını normal hadisə hesab edən millət vəkili bunun beynəlxalq ənənələrə uyğun olduğunu vurğulayıb:
"Parlamentin və Təhsil Nazirliyinin ortaq baxışı ondan ibarətdir ki, bu hazırlıq kurslarını bitirən şagirdlər yenidən test imtahanından keçməklə universitetdə təhsil almağa layiq olduqlarını sübut etsinlər. Deməli, qarşıda duran əsas məsələ hazırlıq kurslarının necə icra olunacağıdır. Təhsillə bağlı yeni qanun layihəsi hazırda birmənalı qarşılanmasa da, müvafiq icra hakimiyyəti orqanlarının qərarlarından sonra bu barədə daha dəqiq danışmaq olar”.
Millət vəkili hazırda bu istiqamətdə müsbət təcrübə kimi ADA Universitetini nümunə göstərib:
"ADA Universitetində tətbiq olunan hazırlıq və dil kursları, eyni zamanda, şagirdlərin universitetin prinsiplərinə inteqrasiyası prosesi olduqca müsbət təcrübədir. İndi əsas məsələ yeni layihənin digər universitetlərdə necə icra olunacağıdır. Hesab edirəm ki, bu prosesi nəinki parlament, eyni zamanda, ictimaiyyət də müşahidə etməlidir. Çünki bəzi məsələlərə məhz bu müşahidə prosesindən sonra aydınlıq gətiriləcək”.
A.Mollazadə "Təhsil haqqında” qanuna dəyişikliklərin daha çox orta məktəblərdə şagirdlərin zəif göstəriciləri zərurətindən irəli gəldiyini qeyd edib.
Millət vəkili onu da bildirib ki, qanunda nəzərə alınacaq ən vacib məqamlardan biri xoşagəlməz halların və dövlət imtahan sistemi xaricində universitetlərə hansısa bir dolayısı yolla girişin önlənməsi ilə bağlı olacaq.
Qeyd edək ki, iyunun 13-də Milli Məclisin keçirilən növbədənkənar plenar iclasında "Təhsil haqqında” qanuna dəyişiklik edilib. Qanun ali təhsil sistemində bakalavriat səviyyəsində bir illik ödənişli hazırlıq qruplarının yaradılmasını nəzərdə tutur.
Tədrisin sonunda keçirilən buraxılış imtahanları nəticəsində uğur qazanan tələbələr ali təhsil müəssisələrinin I kursuna qəbul olunacaqlar. Ali təhsil müəssisələrinin hazırlıq qruplarında tədrisin təşkil qaydaları isə müvafiq icra hakimiyyəti orqanı tərəfindən müəyyən ediləcək.
Qanundakı dəyişiklik bəzi ekspertlərin tənqidinə məruz qalıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar