.png)
Xəbər lenti
Gərginlik artır - Azərbaycana sanksiya tətbiq ediləcək?
“Avropa dövlətlərinin əksəriyyəti Avropa Parlamentinin qətnaməsinə məhəl qoymadan Azərbaycanla tərəfdaşlıqlarını davam etdirəcəklər”.Ekspert sözügedən qətnamənin hüquqi qüvvəsinin olmadığını bildirib:
“Avropa Parlamenti Azərbaycan əleyhinə qətnamə qəbul edib. Qətnamə Avropa İttifaqını Azərbaycana qarşı sanksiyalar tətbiq etməyə çağırır. Sənəddə həmçinin Azərbaycanla əməkdaşlığın yenidən nəzərdən keçirilməsi və Azərbaycan qazının idxalından asılılığın azaldılması çağırışı yer alır. Avropa Parlamenti Avropa İttifaqına Azərbaycanla müxtəlif sahələrdə əməkdaşlığı məhdudlaşdırmağın mümkünlüyünü nəzərdən keçirməyi də təklif edir.
Avropa Parlamenti BMT-nin Qarabağa ilk missiyasının təşkilindən məyusluğunu bildirməklə yanaşı, bölgədə BMT-nin nəzarəti altında beynəlxalq iştirakın bərqərar edilməsinin tərəfdarı olduğunu vurğulayır. Ayrıca, Avropa Parlamenti Avropa İttifaqının diplomatik çevrələrinə Cənubi Qafqazda təhlükəsizlik çərçivələrinin dərhal yenidən nəzərdən keçirilməsini təklif edir.
Avropa Parlamentinin qətnaməsi hüququ qüvvəyə malik deyil. Avropa dövlətlərinin əksəriyyəti bu qətnaməyə məhəl qoymadan Azərbaycanla tərəfdaşlıqlarını davam etdirəcək, bəzi sahələrdə isə genişləndirməyə çalışacaqlar.
Bu qətnamənin məqsədi sadəcə erməniləri sakitləşdirməkdir, “baxın, biz Azərbaycanı cəzalandırdıq” demək istəyiblər. Hazırda bu qətnamə erməni saytlarını bəzəyir, ancaq zaman keçəcək, qətnamə o biri sənədlər kimi unudulacaq və Avropa ölkələri qışda donmamaq üçün Azərbaycandan daha çox qaz istəyəcəklər. Önəmli olan Qarabağ məsələsini birdəfəlik bitirmək idi, onu da etdik, qalan məsələlər zamanla həllini tapacaq”.
Ekspert qətnamədəki başqa bir məqama da toxunub:
“Avropa Parlamentinin Azərbaycan əleyhinə qəbul etdiyi qətnamədə İrəvana bu şəkildə mesaj da var: “Ermənistan mövcud hərbi ittifaqlarına yenidən baxarsa, Avropa İttifaqının təhlükəsizlik dəstəyinə ümid edə bilər”.
Yəni demək istəyiblər ki, Ermənistan Moskva ilə strateji müttəfiqlikdən, Rusiyanın hərbi bazalarından və KTMT-dən imtina edərsə, Brüssel Ermənistana müdafiə dəstəyi verəcək. Bu nağıldır. Birincisi, Avropa İttifaqının təhlükəsizlik strukturu yoxdur ki, Ermənistanı mövcud olmayan strukturu vasitəsilə müdafiə edə bilsin. İkincisi, Avropa Parlamenti NATO-ya işarə edirsə, Ermənistanın bu təşkilata üzvlüyü mümkün deyil. Ən azı NATO üzvü Türkiyə buna imkan verməz. Brüssel Ermənistana sadəcə deyib ki, sən Rusiyadan qurtul, qalanı bizlikdir. Ancaq “bizlik” dediyi məvhumun içi boşdur”.
Manevr.az
Xəbəri paylaş
Çox oxunanlar
Son yüklənənlər
.jpg)
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar