Dünyaca məşhur müğənni Katy Perry ilk dəfə Kanadanın sabiq baş naziri Castin Trüdo ilə arasında eşq münasibətləri olduğuna işarə edib.
Manevr.az xəbər verir ki, bu barədə "Daily Mail" nəşri məlumat yayıb.
Londonda konserti zamanı bir azarkeşi səhnədən ona evlilik təklifi edib. Lakin Perry təklifi zarafatla rədd edərək, artıq həyatında biri olduğunu bildirib:
"Təəssüf ki, bunu 48 saat əvvəl demədin", - deyə müğənni cavab verib.
Onun bu sözləri Trüdo ilə birlikdə çəkilən səmimi fotolara istinad kimi dəyərləndirilib.
Perry konsertdə həmçinin tamaşaçılar arasında olan ingilislərə müraciət edərək deyib:
"London, görünür, siz bazar ertəsi axşamları belə gözəl görünürsünüz. Əvvəllər ingilislərə aşiq olmağım təəccüblü deyil... Amma indi artıq yox."
Bir neçə gün öncə paparatsilər Katy Perry və Justin Trüdonu Santa-Barbara sahillərində yaxtada birlikdə görüntüləyiblər. Kadrlarda Trüdonun müğənnini qucaqladığı, öpdüyü və səmimi anlar paylaşdığı görünür.
Bundan əvvəl, iyulun 29-da cütlük Monrealdakı restoranda romantik axşam yeməyində görüntülənmişdi.
Qeyd edək ki, Katy Perry və aktyor Orlando Bloom iyunun sonunda doqquz illik münasibətlərinə son qoyublar.milli.az