.png)
Xəbər lenti
Millət vəkilindən distant təhsillə bağlı narazılığa reaksiya
"Təhsil sistemi birdən-birə ənənəvi tədrisə başlayarsa, çox ciddi çətinliklərlə üzləşə bilərik".
Manevr.az xəbər verir ki, bunu qaynarinfo-ya açıqlamasında Milli Məclisin Elm və Təhsil Komitəsinin üzvü Ceyhun Məmmədov ümumi təhsil müəssisələrində dərslərin aşağı siniflərdə həftədə iki gün, yuxarı siniflərdə isə distant (məsafədən) keçirilməsi ilə bağlı cəmiyyətdə yaranan narazılığa aydınlıq gətirərkən deyib.
Deputat qeyd edib ki, bütün qəbul olunan qərarlar ciddi şəkildə analiz olunduqdan sonra cəmiyyətə açıqlanıb:
"Bu məsələ ilə bağlı həm xarici təcrübə öyrənilib, həm Azərbaycan universitetlərinin rektorları, məktəb direktorları ilə müzakirələr aparllıb, həm təhsil institutları araşdırma aparıb, həm də Milli Məclisin Elm və Təhsil Komitəsinin üzvlərinin iştirakı ilə geniş müzakirə keçirilib. Yəni, bu qərarlar bir qurum tərəfindən qəbul edilməyib. Bu, kolleqial və zərurətdən qəbul edilmiş bir qərardır. Əgər bu, bir qurumun qərarı olsaydı, onda baxış və yanaşma da fərqli olardı”.
Ceyhun Məmmədov bu məsələ ilə bağlı Milli Məclisin Elm və Təhsil Komitəsinə tez-tez müracitlər olunduğunu vurğulayıb:
"Distant təhsillə bağlı narazılıqlar var. Ümumiyyətlə, bəzi valideynlər distant təhsili qəbul etmirlər, bəziləri isə övladlarını məktəbə buraxmaq itəmirlər. Ona görə bu məsələdə bütün tərəflərin razı qalması da bir az qeyri-mümkündür. Çünkü baxış bucaqları fərqlidir. Amm bu qərar hamının qəbul etdiyi qərardır. Əlbəttə ki, ənənəvi təhsil daha yaxşı və faydalıdır, şagirdlərin yetişməsi üçün vacibdir. Ancaq başqa bir məsələ var ki, bu gün dünyada pandemiya təhlükəsi hələ bitməyib. Biz birdən-birə iki milyona yaxın təhsil alan insanı ənənəvi qaydada təhsilə buraxa bilmərik. Elə universitet var ki, onun 25 min, bəzilərində 10 min tələbə oxuyur. Bunların hamısı birdən-birdə ənənəvi tədrisa başlayarsa, çox ciddi çətinliklərlə üzləşə bilərik”.
Deputat yenidən virusun sürətlə yayıla bilməsindən ehtiyatlandığını deyib:
"Bəzi valideynlərin narahatlığını anlayırıq. Onlar düşünür ki, ənənəvi təhsil nə qədər tez başlasa, o qədər yaxşıdır. Bunu biz də başa düşürük. Real vəziyyəti də nəzərə almalıyıq, tövsiyələrə əməl edib, səbrli olmalıyıq”.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar