_99.jpg)
Xəbər lenti
"Nazirlər zəng vurub ad günümü təbrik edirlər" - 79 yaşlı Arif Babayev
Bu gün xalq artisti Arif Babayevin doğum günüdür
1938-ci ilin bu günündə Ağdam şəhəri yaxınlığındakı Sarıhacılı kəndində anadan olan sənətkar "Ölkə.Az"-ın suallarını cavablandırıb.
- Arif müəllim, 79 yaşın əhval-ruhiyyəsi necədir?
- Lap yaxşıdır. Şükür Allaha, hələ ki babatam.
- Doğum gününüzü necə qeyd etməyi düşünürsünüz?
- Evdə nəvələrim, övladlarımla qeyd edəcəyik. Təmtərağı xoşlamıram. 75 illiyim Ağdamda qeyd olundu. Amma mən böyük ad günlərini xoşlamıram.
- Ağdama getməyi düşünürsünüzmü bu günlərdə?
- Havalar bir az soyuqdur. Amma Ağdamı hər dəqiqə ürəyim istəyir.
- Son dəfə Ağdamda nə vaxt olmusunuz?
- Bir ay olar.
- Muğam müsabiqəsinin seçimlərində?
- Seçimlərdə onlar Bərdəyə gəlmişdilər. Bərdə, Ağcabədi, Gəncə və İsmayıllıda olduq.
- Sürprizləri sevirsiniz?
- Allah haqqı desəm, inanmazsınız. Canım üçün sürprizləri xoşlamıram. Zəng etmək mənimçün hər şeydir. Diqqət budur. Bunu səmimi deyirəm.
- Bilirəm ki, hətta nazirlər də zəng vurub sizi təbrik edirlər.
- Bəli, nazirlər zəng vurub təbrik edirlər, diqqət göstərirlər. Mən də onlara təşəkkür edirəm.
- Doğum gününüzdə sizin üçün ən böyük hədiyyə nə olardı?
- Mənimçün ən böyük hədiyyə ad günümün Qarabağda olması olardı. Yığaydım başıma qohum, dost, tanışı... Dünyada vətəndən böyük nə var ki? Ən böyük hədiyyə o olardı. Sağlıq olsun, mən görmərəm, cavanlar görər.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar