Xəbər lenti
“Müəllifi göstərmədən hansısa xəbəri vermək müəllif hüquqlarının oğurlanmasıdır”
"Müəllifdən icazə almadan, lakin müəllifi göstərmək şərti ilə bu xəbərin bir hissəsi istifadə oluna bilər"
Azərbaycan reallığında əksər media orqanlarının üzləşdiyi əsas problemlərdən biri onlara məxsus informasiyaların başqa media orqanları tərəfindən oğurlanması, ictimaiyyətə təqdim edilərkən ilkin mənbənin göstərilməməsidir.
Bəs xəbər oğurluğu hüquqi məsuliyyət yaradırmı? Yoxsa bu, sadəcə media əxlaqının pozulması baxımından qınaq obyekti olacaq bir məsələdir?
Moderator.az-a açıqlama verən hüquqşünas Ələsgər Məmmədli məsələnin iki aspektdən şərhinin vacib olduğunu vurğuladı:
“Məsələnin iki aspekti var. Bunlardan biri müəllif hüquqları aspektidir. Bu, hüquqla müəyyən olunur. Bir də məsələnin etik tərəfi var. Hansısa jurnalistin başqasına məxsus yazını özününküləşdirilməsi yolverilməzdir. Əsl jurnalist hər zaman jurnalist peşəsinə, bu peşənin tələlərinə sədaqət nümayiş etdirir, onları qoruyur.
Hüquqi aspektdən yanaşdıqda, müəllif hüquqları ilə qorunan əsərlər var. Bu əsərlərdən müəllifin icazəsi olmadan istifadə yolverilməzdir. Istisna hallar da mövcuddur ki, burada da söhbət çox önəmli ictimai əhəmiyyət kəsbedən xəbərlərdən gedir. Bu qəbildən olan xəbərin bir hissəsi müəllifə istinadən verilə bilər. Müəllifdən icazə almadan, lakin müəllifi göstərmək şərti ilə bu xəbərin bir hissəsi istifadə oluna bilər. Müəllifi göstərmədən xəbəri vermək müəllif hüquqlarının oğurlanmasıdır və bu, hüquqi baxımdan məsuliyyət yaradır. Xəbərə istinad olunur və müəllif göstərilirsə, burada müəllif hüquqlarının pozulmasından söhbət gedə bilməz”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar