.png)
Xəbər lenti
Bakıya qar yağmaması hansı fəsadlar verir? - Hidroloq və həkimdən şərh
Fevral ayının ikinci həftəsinə qədəm qoymağımıza baxmayaraq, Bakıya hələ də qar yağmayıb. Bu azmış kimi, bu il qış fəsli çox mülayim keçir. Bəs bu normal haldırmı?
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova yeniavaz.com saytına açıqlamasında dedi ki, bu qış Bakıya qarın yağmaması anormal hal deyil: "Fevral ayı üçün xarakterikdir. Demək olmaz ki, əvvəlki illərdə belə hava müşahidə olunmayıb. Əvvəllər də elə olub ki, fevral ayı mülayim keçib, yaxud qış çox sərt keçib. Bir neçə ildir biz müşahidə aparırıq ki, fevral ayında mülayim hava şəraiti müşahidə olunur".
Gülşad Məmmədovanın dediyinə görə, bundan əvvəl də elə illər olub ki, fevral ayında qar yağmayıb: "Bəzi illərdə fevral ayında havanın temperaturu 15-17 dərəcəyədək isti müşahidə edilib. Belə hava fevral ayı üçün xarakterikdir. Yaxın 5-10 ilə nəzər saldıqda bunu demək olar".
Bu il sərt soyuqların aprel, may aylarına düşəcəyi ilə bağlı fikirlər də səsləndirilir. Gülşad Məmmədova bu barədə məlumatları dəqiqləşdirməyə çalışacaqlarını bildirdi: "Bu haqda məlumatı biz bir qədər dəqiqləşdirəcəyik. Həmin aylara yaxınlaşdıqca dəqiq məlumatlar yayacağıq".
Tibb elmləri doktoru, professor Adil Qeybulla isə yeniavaz.com-a qar yağmamasının fəsadlarının olduğunu dedi: "Bu gün dünyada qlobal istiləşmə gedir. Düzdür, bu nəzəriyyə bir müddətdir hakimdir, amma əleyhinə olanlar da var. Hər halda qlobal istiləşmə gedir, Qrenlandiyanın xeyli hissəsinin əriməsi, okean səviyyəsinin qalxması da bunun əlamətləridir. Qış fəsli iqlimin parametrlərinə uyğun şəkildə keçməyəndə viruslar ölmür. Xüsusilə yuxarı tənəffüs yollarında parazitlər fəallaşanda qripəbənzər əlamətlərlə girən kəskin respirator xəstəlik yaradır. İnsanlar bir-birini yoluxdura-yoluxdura gedir. Soyuq havada bu cür yoluxmaların sayı xeyli azalır. Qış fəsli olmasına baxmayaraq, havalar isti olanda bu viruslar daha çox yoluxma imkanı əldə edir və daha çox insanı yoluxdurur. Təsiri bundan ibarətdir. Digər tərəfdən belə iqlim dəyişmələrinə insanların adaptasiyası çətindir. Əlbəttə, iqlimin necə keçməsi bizim iradəmizdən asılı deyil. İnsanlar buna uyğun qorunmalıdırlar. Maskalardan istifadə eləməli, xəstələnən zaman dərhal yataq rejiminə keçməlidir, infeksiyanın yayılmasının qarşısının alınması və onun yerində lokallaşdırılması əsas məsələlərdəndir. Qar yağmadıqca Bakıda hava-damcı yolu ilə yayılan infeksiyalara tutulan insanların sayında da artım olacaq".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar