_99.jpg)
Xəbər lenti
Rövşən Almuradlının quruluş verdiyi “Oğru” tamaşasının premyerası keçiriləcək -SUMQAYITDA/ FOTOLAR
Sumqayıt Dövlət Dram Teatrında 20 dekabr saat 18.00-da tanınmış rejissor Rövşən Almuradlının quruluş verdiyi “Oğru” tamaşasının premyerası keçiriləcək.
Komediya janrında yazılmış “Oğru” pyesi 1959-cu ildə qələmə alınmış, elə həmin ildə də nüfuzlu “Avansçena” jurnalının birinci mükafatına layiq görülmüşdür. Əsər dünya teatrları səhnəsində dəfələrlə tamaşaya qoyularaq daha çox məşhurlaşıb. Tamaşada kasıb bir fransız ailəsinə xas olan klassik üçlük- ər, arvad və onun sevgilisi arasındakı münasibət öz əksini tapmışdır. Onların arasında olan adi məişət münasibəti qadının sevgilisi Dominikin lotoreya ilə böyük məbləğdə pul udması nəticəsində gözlənilmədən kəskinləşir. Hadisələrin gedişi zamanı əsərin baş qəhrəmanı Mişlin böyük məbləğdə pul udmuş sevgilisinin saxta məhəbbətini üzə çıxarır, beləcə əri Kluda olan ailə münasibətini yüksək məcraya yönəldərək sözü gedən pul məbləğindən üstün tutur. Komediyanın sujetində bütün tarix boyu mütəfəkkirlər tərəfindən cavabı axtarılan əsl məhəbbətin qiyməti ön plana çəkilir, tamaşa boyu gərgin yaşanan dramatik hadisələrin fonunda məhəbbət və pul dillemması müzakirəyə qoyulur, nəyin həqiqət, nəyinsə yalan olduğuna cavab axtarılır Tamaşada rolları əməkdar artist İzaməddin Bağırov, aktyorlar Şəmistan Süleymanlı, Elmir Mehdiyev, İlahə Səfərova və Vəfa Qurbanova canlandırırlar.
Teatrımızın səhnəsində ötən mövsümdə premyerası uğurla keçən “Hacı Qara” komediyasıı, azyaşlı tamaşaçılar üçün Azərbaycan xalq nağılı əsasında işlənilən “Cəsurlar”, və “Yeni il şənliyi” də təqdim ediləcək.
Aşağıda tamaşaların saatını və tarixini diqqətə çatdırırıq:
1. 20 dekabr Saat : 18.00 VI gün Marsel Berkye Marinye “Oğru” (premyera)
2. 23 dekabr Saat:10.00 Saat:15.00 V gün Xalq nağılı “Cəsurlar”
3. 24 dekabr Saat:11.00 VI gün M.F.Axundzadə “Hacı Qara”
4. 25 dekabr Saat:10.00 Saat:12.00 Bazar günü M.F.Axundzadə “Hacı Qara”
5. 27 dekabr Saat:13.00 II gün M.F.Axundzadə “Hacı Qara”
6. 28 dekabr Saat:13.00 III gün M.F.Axundzadə “Hacı Qara”
7. 29 dekabr Saat:11.00 Saat:13.00 Saat:15.00 IV gün “Yeni il şənlikləri”
8. 30 dekabr Saat:11.00 Saat:13.00 Saat:15.00 V gün “Yeni il şənlikləri”
9. 31 dekabr Saat:11.00 Saat:13.00 Saat:15.00 VI gün “Yeni il şənlikləri”
10. 01 yanvar Saat:11.00 Saat:13.00 Saat:15.00 Bazar günü “Yeni il şənlikləri”
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar