_99.jpg)
Xəbər lenti
Mahmud Dustan: "Bizi kimliyimizdәn uzaqlaşdırmaq istәyirlәr"
Payızın ilk ayının birinci günü mәktәblәrin açılışında Azәrbaycan şәhәrlәrindә milyonlarla Türk uşağı öz Ana dilini qırağa qoyub, mәcburi şәkildә fars dilindә tәhsil alır.
İranda çox saylı Azәrbaycanlı yaşasa da, hakimiyәt farsların әlindәdir. Dövlәtin әsas idarәedici organlarında öz adamlarını vә yaxud bizlәrdәn olan lakin kimliklәrini satmış insanları yerlәşdirirlәr. Bu sәbәbdәn siyasәtlәrini asanlıqla qeyri-fars millәtlәrә yürüdә bilirlәr.
Vazifәdә Türk kimliyini sevmәyәn insanlar olduqda Türklәrin haqları onlar tәrәfindәn tapdalanar. Artıq bu siyasәt 100 ildir ki, pahlәvi dövründәn qalan bir sıra panfarsların ideyası ilә bizim dil, tarix, mәdәniyyәt vә kimliyimizi aradan qaldırmaq mәqsәdi ilә irәli sürülüb. Uşaqlarımızı assimilyasıya etmәklә gәnclәrimizin öz ana dillәrindәn vә kimliyindәn uzaqlaşıb, fars dilindә yazı-pozu öyrәnmәyi sevib, ona maraq göstәrmәsinә bais olurlar.
İran ana yasasına әsasәn İranda yaşayan hәr bir xalq fars dili ilә yanaşı öz ana dilindә dә tәhsil ala bilәr. Lakin bu haqqı bizlәrdәn alıblar. Özlәrinin qoyduğu qanuna özlәri belә әmәl etmir. Bir millәti aradan aparmaq üçün ilk öncә millәtin dilini, tarixini vә tarixi şәxsiyәtlәrini unutdururlar. Vә sonda o millәti asanlıqla assimilyasiya edib aradan aparmaq olar. Bizi assimilyasiya edә bilmәmәlәri üçün ana dilimizi qorumaq başlıca şәrtdir. Bu hәssas durumda Azәrbaycan düşmənləri özәlliklә panfarslar bir-biri ilә әl-әlә verәrәk Türklәrin tarix, mәdәniyyәt vә dilini mәhv edib aradan qaldırmaq istәyirlәr.
İranda qeyri-fars xalqlara mәktәblәrdә öz dillәrindә tәhsilә imkanı verilmirsә çalışmalıyıq evimizdə uşaqlarımızla öz ana dilimizdә danışaq vә onları türkcә kitablarla tәmin edәk. Güney Azәrbaycanda yazarlar, şairlәr, tarixçilәr vә mәdәni fәallar hәr zaman bu bir tәrәfli siyasәtә qarşı hәmәşә etiraz ediblәr. Sosial medialarda etiraz olur. Müxtәlif kompanyalar qurulur, uşaq kitabları alınıb mәktәblәrә paylanılır.
Mahmud Dustan
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar