_99.jpg)
Xəbər lenti
Rusiya XİN: Neft bazarında kartel sövdələşməsinin əlamətlərini görmürük
Rəsmi Moskva qlobal neft bazarında qiymətlərin düşməsində kartel sövdələşməsinin əlamətlərini görmür.
RİA "Novosti"nin verdiyi məlumata görə, bunu Rusiyanın Xarici İşlər nazirinin müavini Aleksandr Pankin deyib.
Onun sözlərinə görə, dünyada iqtisadi fəallığın azalmasına və buna uyğun olaraq enerji daşıyıcılarına olan tələbin kəskin dərəcədə enməsinə koronavirus pandemiyası amilinin güclü təsiri açıq-aydın görünür. Bundan əlavə, bu prosesdə fyuçers müqavilələri və digər maliyyə alətləri ilə spekulyativ oyunlar da mühüm rol oynayıb.
"Bunları nəzərə alsaq, hər hansı kartel sövdələşməsi haqqında danışmağa dəyməz", - deyə A. Pankin qeyd edib.
Xatırladaq ki, bu ilin aprel ayında bazarın tarazlaşdırılması məqsədi ilə OPEC və qeyri-OPEC ölkələri nazirlərinin iclasında "OPEC+" üzrə gündəlik neft hasilatının mayın 1-dən 9,7 mln. barel, iyulun 1-dən ilin sonuna kimi 7,7 mln. barel və 2021-ci ilin yanvarından 2022-ci ilin aprelinədək isə 5,8 mln barel həcmində azaldılması qərarının icrasına yekdilliklə razılıq verilib.
Dünya neft bazarında balansın yaradılması və neftin qiymətinin sabitləşdirilməsi məqsədilə Azərbaycan da üzərinə yeni öhdəliklər götürüb. 2018-ci ilin oktyabr ayında gündəlik xam neft hasilatı 718 min barel olan Azərbaycan yeni Razılaşma çərçivəsində hasilatı həmin səviyyədən 164 min barel azaltmalı olacaq. Bu müddət ərzində (may-iyun) Azərbaycan gündəlik xam neft hasilatını 554 min barel həcmində saxlamalıdır./apa
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar