_99.jpg)
Xəbər lenti
Nazirin təyin etdiyi məktəb direktoru ana dilində düzgün yaza bilmir - ŞƏKİL
Təhsil naziri Emin Əmrullayev Bakının mərkəzində - metronun “Sahil” stansiyasının yanında yerləşən 7 saylı orta məktəbə yeni direktor təyin edib. Nazirin imzaladığı əmrə əsasən, bundan sonra sözügedən təhsil müəssisəsinə Könül Təhməzova rəhbərlik edəcək.
Nanevr.az bizimyol.info-ya istinadla xəbər verir ki, Könül Təhməzova Xalq artisti Afaq Bəşirqızının gəlinidir. O, ibtidai sinif müəllimi olub.
Könül Təhməzovanın fəaliyyəti barədə məlumat almaq üçün onun internetdəki bloquna nəzər saldıq. Məlum oldu ki, yeni direktor Azərbaycan dilinin qrammatikasını ya bilmir, ya da əməl etmir. Təkcə bir yazıda xeyli sayda orfoqrafik, qrammatik və sintaktik səhvlər vardı. Məsələn, Könül xanım “da” və “də”nin harada bitişik, harada ayrı yazılmasını sinifdə şagirdlərinə öyrətməli olduğu halda, özü bu məsələdə çox ciddi səhvlərə yol verir.
Könül Təhməzova bloqunda məlumat verir ki, hazırda ibtidai siniflər üçün Azərbaycan dili fənn kurikulumu üzrə işçi qrupun üzvüdür. Elə həmin cümlədə də “qrup” sözünü “qurup” kimi yazıb.
Könül xanım 2014-2015-ci tədris ilində “Ən yaxşı müəllim” müsabiqəsinin qalibi olub.
Onun bloq yazısından təkcə bir abzası olduğu kimi təqdim edirik. Nəticəni özünüz çıxarın:
“Hal-hazırda ibtidai siniflər üçün Azərbaycan dili fənn kurikulumu üzrə işçi qurupunun (“qrupun” olmalıdır - red.) üzvüyəm. Əldə etdiyim biliklər sayəsində elektron dərslər hazırlayır, açıq dərslər verirəm. Hər bir müasir müəllim öz işində layihələrə önəm verməlidir. Məndə (“də” ayrı yazılmalıdır - red.) məktəbdə şagirdlərimlə bir çox layihələr hazırlayaraq (, - red.) onlarda müstəqil düşünmə (, - red.) fikiryürütmə qabiliyyətlərini və humanitar hisslər (humanitar hiss olmur, “humanizm hissi” olmalıdır - red.) formalaşdırmağa çalışıram. Elektron dərs və müəllimlər üçün əlavə vəsaitləri öz “Sabahımız” adlı blogumda ("bloqumda" olmalıdır - red.) birləşdirərək bütün müəllimlərin yararlana biləcəkləri məlumatları onlarla bölüşdürməkdən (“bölüşməkdən” olmalıdır - red.) böyük zövq alıram”.
Nanevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar