Sizin Reklam Burada
Xəbər lenti
30 may
29 may
BÜTÜN XƏBƏRLƏR

Tural Turan yazır: Şeirin ruhsal qatı

Tarix: 07-05-2020 12:56     Baxış: 3188 A- / A+
Tural Turan yazır: Şeirin ruhsal qatı

Bəlkə də bir çoxlarınız onun poeziyasından, imzasından xəbərsizsiniz. Bəlkə də onun şeirlərinə rast gələndə heç nə anlamadığınız üçün üzərindən səthi keçirsiniz.
Hikmət Nikbin poeziyası şeirlərdə özünü görənlər, özlərinə kənardan baxa bilənlər üçündür. Onun poeziyasının qanı bütün bəşəriyyəti dövr edir və yenidən gəlib həmin içdə, nəfəsdə birləşir.

...Dərəm axşamımdan yuxularımı,
sərəm payızların yorğunluğuna...
– deyən şairin misralarında təkcə sükunətdəki zamanın donu açılmır, eyni zamanda, tənhalığın qazanında yeni bir ruh bişirir. Oxucunun ilk baxışda ənənəvi dad kimi hiss etdyi bu misralar əslində orijinallığın fərqli bir boyutudur. Onun şeirləri mənə daha çox nimdaş paltonun içərisindəki bir işıqlı adamı xatırladır.

Hikmət Nikbin şeirindəki orijinal qatlardan biri də bircə anın içərisində insanın təbiətə, təbiətin bəni-adəmə ustalıqla çevrilə bilməsidir. Azərbaycan poeziyasında poetik çevrilmə Hikmət bəyin yaradacılığının ana xəttini təşkil edir - desək, heç şübhəsiz ki, yanılmarıq:

...Harda düşürtmüşəm adam boyumu,
indilər gəmilər sinəmdə batır...
– bu misralar dediklərimizin əyani (poetik) sübutlarından biridir.

Başqa bir şeirində isə şair öz adını tanrısallaşdırır. Poetik mənin ismi yenə də substantiv çevrilməyə məruz qalır. Bəlkə də bu ruhsallaşmanın bir çoxlarının anlam verə bilmədiyi qatıdır. Fikrimizcə, bu qatın adı ruhlarla kölgə oyunudur:

...Adım, məni çevir ayaqlarına,
səni qoyum gedim bu axşam ilə.
Əlimdən yuxarı Tanrı başlayır,
əlimdən yuxarı yaşayım, qalım...


Elə bu bənddə tanrının fiziki varlıqdan ruhsal boyuta yüksəldildiyi də bütün qəlib və sakral teoloji düsturları sındırıb dağıdır. Əslində burada əl (ovuc) göy üzüdür. Bu açar sözü tapdıqdan sonra misranın mənası aydın şəkildə anlaşılır. Ovucdan altda yaşamaq isə qətiyyən kiçildilmə ifadəsi kimi görünmür. Sadəcə olaraq müəyyən bir mərtəbənin ekvivalenti kimi tanımlanır.

Hikmət Nikbin poeziyasının əqrəblərinin qibləsi vicdandır. Əqrəblər isə üzü tanrıya yox, ondan daha yüksək fəza müstəvisi kimi kodlaşdırılmış ovuca işləyir. Olduqca orijinal və öz dəst-xətti olan poeziyadır. Doğrudur, bəzən poetik lövhələr qəfldən qırıla bilir amma oxucu itkin düşmüş parçaları şeirin sonunda öz düşüncəsində tamlaşdırır və pazlları birləşdirir. Orjinal poetik ifadə zənginliyi bəzən düşündürücü olmaya bilir. Amma bu zaman həmin misralar ağacın təsvirindəki budaqlar, yarpaqlar rolunu oynayır və bədii süsə çevrilir.

Şairin şeirləri səni ovutmur. Səni maarifləndirmir. Poetik orijinallığın başqa bir özəlliyi də məhz bu qatda boy verməkdədir.

Şairin oxucuları həm də ona görə xoşbəxtdir ki, şeir süfrəsindən yarıtox qalxmırsan. Misralar və poetik orijinallıq səni doyurur. Hikmət Nikbin hər şeirində oxucunun bədii estetik zövqünü daha da zənginləşdirən, bir üst mərtəbəyə daşıya bilən şairdir. Oxuyun, amma anlamadınızsa, növbəti dəfə o şeirlərə yaxın düşməyin. Çünki həmin şeirlərdəki saf vicdanın eqoistliyi sizi pərt edə, zövqünüz və baxışınız qarşısında kiçik düşürə bilər.

Tural Turan
Şair, AYB Gənclər Şurasının üzvü,
Prezident təqaüdçüsü

Manevr.az








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının ilk hərfini yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    May 2020    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar