.png)
Xəbər lenti
Baş infeksionistdən qrip açıqlaması: “Ola bilsin ki, gərginləşsin…”
Son vaxtlar Azərbaycanda qızdırma, aşırı halsızlıq və boğaz ağrısı ilə müşahidə olunan “qrip” yayaılıb.
Uzun müddət davam edən bu əlamət əhali arasında ciddi narahatlığa səbəb olub. Ev şəratində, hətta həkim təyinatı ilə qəbul edilən dərmanlar da xəstəliyə yardım etmir. Uşaqlar arasında müşahidə edilən bu hal ağırlaşmalarla müşahidə olunur.
Qeyd edək ki, qonşu Gürcüstanda da qripə yoluxma hallarının artımı başlayıb. Gürcüstanın Xəstəliklərə Nəzarət və İctimai Sağlamlıq Milli Mərkəzinin elmi rəhbəri Paata İmnadzenin bildirdiyinə görə artıq qrip hallarının çoxalması ikinci həftədir davam edir. O, ölkədə qripin üç alt növünün yayılmasının müşahidə edildiyini bildirib:
“Son həftənin göstəricilərinə əsasən, yoluxma hallarının 30%-i B, 10%-i H1N1, digər 10%-i isə H3N2 tipli viruslara aiddir. Yerdə qalan 50% isə qripə bənzər viruslardır və böyük əksəriyyətini rinoviruslar təşkil edir”.
Elmi rəhbərin sözlərinə görə, dekabrın sonuna qədər yoluxma hallarının artım dövrü davam edəcək.
Azərbaycanın baş infeksionisti Cəlal İsayev Cebhe.info-ya açıqlamasında bildirib ki, Azərbaycanda hələlik laborator təsdiq olunmuş qrip xəstəliyinə rast gəlinməyib:
“Fakt odur ki, xəstələnmə hadisəsi var. Dost, qohum və tanış arasında xəstələnənlər var. Bu danılmazdır. Kütləvi hal yoxdur və epidemik vəziyyət gərgin deyil. Amma var, ola bilsin ki, gərginləşsin, ola da bilsin ki, artmasın. Hər il bu vaxtlar, ilin soyuq fəsillərində qrip və digər respirator virusların yayılması müşahidə olunur. Soyuq mövsümü başlayan kimi və onların soyuğa davamı yüksək olduğu üçün bu xəstəliyin epidemioloji situasiyası artır. Bizim respublikamız da ondan xali deyil. İranda, Türkiyədə, Gürcüstanda varsa, bizdə də olmalıdır. Sərhədlərimizi qripdən qorumaq mümkündürmü ki? Özümüz özümüzü qoruya bilmirik. İnsan evdə xəstələnir və xəstə halı ilə, tibbi maska istifadə etmədən işə gəlir. Onun 1 saat işdə durması kifayət edir ki, iş yoldaşlarının hamısını yoluxdursun. Biz dəfələrlə mətbuat və ya televiziya vasitəsilə təbliğat aparırırıq. Xəstə uşaqların bağçaya, məktəbə göndərilməsi düzgün deyil”.
Cəlal İsayev qeyd edib ki, hazırda müşahidə edilən qrip getdikcə artmaqda davam edəcək, sonra isə yavaş-yavaş azalacaq:
“İnsanlar özlərini qorusa, heç bir problem yaranmaz. Əsas odur ki, xəstələnən kimi özbaşına müalicə olunmasın. Həkimə müraciət etmək vacibdir. Vərdiş etmişik, xəstələnən kimi aptekə gedib antibiotik alırıq. Antibiotik qrip xəstəliyinə və digər respirator virus infeksiyalarına təsir etmir. Yalnız ağırlaşmalar olarsa, həkim tərəfindən antibiotik təyin oluna bilər”. /cebhe.info
Manevr.az
Xəbəri paylaş
Çox oxunanlar
Son yüklənənlər
.jpg)
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar