Görünür, Rusiya erməni silahlılarının nümayişkarənə şəkildə o vaxt dalından dəyəcək ki, bunun Bakı üçün xüsusi əhəmiyyəti, “dərin mənası” və “dəyəri” olsun...
Manevr.az-ın musavat.com-a istinadən məlumatına görə, Qarabağda və ətraf ərazilərimizdə məskunlaşmış köçmən ermənilərlə bağlı bəzi problemlər qalmaqdadır. Uzun tarixi, iki müharibədən keçmiş, 25 illik dondurulmuş qalmış bir problemi iki ilə həll etmək mümkün də deyil.

Əsas problem qanunsuz silahlı dəstələrlə bağlıdır. Ermənistan sentyabrdan Qarabağa qanunsuz çağırışçı göndərməyəcəyi vədi verib. Amma bu, Ermənistanın üçtərəfli bəyanatda üzərinə götürdüyü öhdəliyi tam icra etdiyi anlamına gəlmir. Çünki elə bu vədi səsləndirən Ermənistanın Təhlükəsizlik Şurasının sədri Armen Qriqoryan onu da deyib ki, erməni çağırışçılar Qarabağa göndərilməyəcək, amma separatçı rejimin çağırışçıları olacaq, özünümüdafiə dəstələri də... Yəni Ermənistan erməniləri olmayacaq, amma... silahlı, ordu şəklində ermənilər yenə qalacaq.
324590

Mahiyyət etibarilə orada silahlı ermənilər nə adda qalırsa-qalsın, bu 10 noyabr sənədinin icra edilməməsi deməkdir. Bu problemi Xankəndinə və ətraf əzarilərə dislokasiya olunmuş Rusiya sülhməramlıları həll etməlidirlər, amma göründüyü kimi bunu hələ ki, etmirlər. O halda, Azərbaycan bu problemi məntiqlə özü həll etməlidir, Qarabağda antiterror əməliyyatı keçirməlidir. İndi bizim bəzi ekspertlər tez-tez dilə gətirirlər bu fikri. Amma faktiki bu mümkün kimi görünmür. Çünki biz ora hərbi polis, ordu bölməsi, lap terrorla mübarizə aparan xüsusi təyinatlılar göndərsək, qarşıdurma olar. Əvvəl Rusiya sülhməramlıları, sonra oradakı erməni tör-töküntüləri ilə. Üstəlik, ermənilər bunu “hücum”, “deportasiya”, nə bilim, daha hansı yalanlarla bəzəyib dünyaya səs-küy salarlar. Bu, günümüzün reallığıdır. Amma Rusiyanın hərbi qüvvələri həmin silahlı erməniləri iki günün içində tərkisilah da edə, qeydiyyatı olmayan “saqqalıları” Xankəndindən it kimi qova da bilər. Azərbaycan üçün bu qüvvələr heç bir ciddi təhlükə deyil, onların bir günün içində başını əzə bilərik. Amma Azərbaycanın yaxın müddətdə Xankəndində xüsusi əməliyyat apara biləcəyini real hesab etmirəm. Ərazi bizimdir, ermənilərə nəzarət də bütün mümkün mənbələrdən var. Amma heç kimi inkar etmir ki, bu problem var və qalır. Görünür, Rusiya erməni silahlılarının nümayişkarənə şəkildə o vaxt dalından dəyəcək ki, bunun Bakı üçün xüsusi əhəmiyyəti olsun. Yəni daha kobud dildə, silahlı erməniləri təmizləmək əməliyyatını bizə “baha sata bilsinlər”, mənası da daha “dərin” və “dəyərli” olsun.
324589

Prezident Əliyev bu barədə iradlarını açıq deyib, sülhməramlıların üzərinə düşən işi(silahlıları təmizləmək) yubatdığından gileylənib, hətta yüksək səviyyədə söz verildiyini də yada salıb. Rusiya isə susur, hər halda, publik olaraq bu barədə danışmırlar, reaksiya bildirmirlər. Dünyada və regiondakı proseslərin təhlilərinə əsasən, demək olar ki, bu iki ölkə arasında, daha dəqiqi Putin və Əliyev münasibətlərində heç üçüncü dərəcəli məsələ də deyil. Bakı və Moskva bu məsələni bütün ciddiyyəti ilə masaya qoyduqları halda, Araikin yanında yalnız cangüdənlərindən başqa kimsə qalmayacaq. Bəlkə də bunu Ukraynada müharibə başa çatandan dərhal sonra edəcəklər...
324588

Silahlılar orada qaldıqca, ermənilərin Qarabağda doğub-törəyəcəyi, artacağı haqda iddialar da bir az şişirdilmiş kimi görünür. Qarabağa gənc nəsil qayıtmır, çünki bir dar ərazilərdə ev tikmək, iş-güc qurmaq, pul qazanmaq, doğub-törəmək mümkünsüz, daha dəqiqi mənasız işdir. Dörd tərəfdən Azərbaycanın bayrağının, əsgərinin kölgəsində həm də...Ermənilər təhlükəni ilan zəlzələni duyan kimi bilirlər, bu cür nə qədər davam gətirəcəklər, görəcəyik. Əsas məsələ işğaldan azad torpaqlarda məskunlaşmanı mümkün qədər tezləşdirməkdir. “Ağıllı kənd”lər sonra da tilkilə bilər, əsas kəndə qayıtmaqdır, məskunlaşmaqdır. O cümlədən, Şuşaya əhalinin köçürülməsi ən ümdə məsələdir. Dövlət baba bunu bilir, buna da çalışır...
324587

Bəs amerikalıların və bəzi Qərb ölkələri dəstəkçilərinin gündəmə gətirdikləri “Qarabağın statusu” necə olacaq? Armen Qriqoryanın bu mövzuda dünənki müsahibəsi diqqət çəkir. Sitata diqqət edək: “Biz dəfələrlə demişik ki, Qarabağ məsələsi bizim üçün ərazi məsələsi deyil. Bu mənada Qarabağ ermənilərinin təhlükəsizliyi və hüquqları bizim üçün prinsipial əhəmiyyət kəsb edir. Baş nazir Paşinyan Milli Assambleyadakı çıxışlarının birində qeyd edib ki, Dağlıq Qarabağ məsələsini Ermənistan-Azərbaycan münasibətlərindən ayırmaq ideyası var. İndi biz bu variantı fəal şəkildə müzakirə etməli və necə davam edəcəyimizə qərar verməliyik” deyə, o bildirib. Ermənistanın bu məsələdə necə “geri verdiyi” ortadadır. Amma təklifləri də var. Jurnalistin “O halda Dağlıq Qarabağ məsələsinin yekun həlli olmadan Azərbaycanla sülh sazişi imzalamaq mümkündür” sualına Qriqoryan “Belə bir fikir var. Amma indiki məqamda hər hansı belə formuldan danışmaq hələ tezdir. Qarabağ ermənilərinin təhlükəsizliyinin təmin edilməsi üçün beynəlxalq təminat var - Rusiya Federasiyasının sülhməramlı qüvvələri. Biz bu təminatı daha da təkmilləşdirmək üzərində işləməliyik” cavabını verib. Bu, “Qarabağ daha Ermənistanın məsələsi deyil” deməkdir. İrəvanda anlayırlar ki, Qarabağdakı bir ovuc erməninin arxasınca düşsələr, Ermənistan bundan ancaq itirəcək. Təhlükəsizliyə gəlincə, Azərbaycan belə bir qarantiya verib, hər zaman da bunu yeniləməyə hazırdır...