Ebru Gündeşin keçmiş həyat yoldaşı həbs edildi

Türkiyə mediasında müğənni Ebru Gündeşin keçmiş həyat yoldaşı, iş adamı Murat Özdemirlə bağlı səs-küylü iddia yayılıb.
Jurnalist Emrullah Erdinç sosial şəbəkə hesabında “Ebru Gündeşin keçmiş əri Murat Özdemir tutuldu” paylaşımını edib. Paylaşımda Murat Özdemirin Selahattin Yılmazın rəhbərlik etdiyi cinayət qruplaşmasına üzv olmaq ittihamı ilə həbs edildiyi iddia olunur.
Məlumata görə, Murat Özdemir bu iş üzrə avqust ayında da saxlanılmışdı. O zaman “Selahattin Yılmaz Cinayət Qrupu” istintaqı çərçivəsində polis tərəfindən gözaltına alınan Özdemir prokurorluqda verdiyi ifadədən sonra sərbəst buraxılmışdı.
İddialara əsasən, Murat Özdemir cinayət qruplaşması liderindən aldığı göstərişlərlə bəzi mütəşəkkil sənaye zonalarına təzyiq göstərib və bu yolla maddi gəlir əldə edib.
Xatırladaq ki, Ebru Gündeş iş adamı Murat Osman Özdemirlə 2024-cü ilin fevralında Dubayda ailə qurmuşdu. Cütlük 27 sentyabr 2025-ci ildə razılaşma əsasında, tək məhkəmə iclasında boşanıb. Beləliklə, nikah iki il tamam olmadan başa çatıb. 
Qeyd edək ki, müğənninin şəxsi həyatı daha əvvəl də hüquqi qalmaqallarla gündəmə gəlib. Ebru Gündeşin keçmiş həyat yoldaşlarından biri olan Rza Zarrab 2016-cı ildə ABŞ-da bank fırıldağı və çirkli pulların yuyulması ittihamları ilə həbs edilmiş, daha sonra istintaqla əməkdaşlıq edərək etirafçı olmuşdu.