Xarici KİV-in xəbərinə görə, bu tarixi görüşdə bütün dünyanın gözü Lətifə əd-Durubiyə çevrilib. Bu səfərin əks-sədası davam etdikcə Lətifə Əl Durubinin Osmanlı bürokratı və Əbdülhəmidin həkimi Alaaddin El Durubinin nəvəsi olduğu ortaya çıxıb.
Mətbuatda Lətifə Şara kimi də tanıdılan Lətifə əl Durubinin Osmanlı dövlətinin bürokratlarından olan Əbdülhəmidin həkimi Əlaəddin Əl Durubinin nəvəsi olduğu ortaya çıxıb.
Jurnalist Zeynep Karataşın paylaşdığı məlumata görə, həm Əhməd Şara, həm də həyat yoldaşı Lətifə Əl Durubi Suriyada dövlət təcrübəsi olan aristokrat ailələrdəndir. Şara və Durubi ailələrinin Osmanlı bürokratları və siyasətçiləri yetişdirdiyini xəbər verən Karataş Əhməd Şaranın Homslu aristokrat bir ailənin qızı ilə evləndiyini bildirib.
Ərəb mediasının məlumatına görə, Lətifə Şaraa 1984-cü ildə anadan olub. Ərəb dili və ədəbiyyatı üzrə magistr dərəcəsi alıb, eyni zamanda üç oğul anasıdır.
Onun ailəsi Homsdakı Əl-Qaryatayn şəhərindəndir və Suriyanın birinci xanımının bacısı Dəməşqin hazırkı qubernatoru Maher Məhəmməd Mərvanla evlidir.
Məlumdur ki, əd-Darubi ailəsi Suriyada kifayət qədər tanınır və oradan bir çox alim və görkəmli şəxsiyyətlər, o cümlədən 2009-cu ildə Ciddədə vəfat etmiş homslu məşhur Quran oxuyucusu şeyx Əbdül Qafar əd-Darubi çıxıb.lent.az
