Sizin Reklam Burada
Xəbər lenti
19-01-2025
18-01-2025
BÜTÜN XƏBƏRLƏR

Köçəryan Paşinyanı “tez alışıb yanan” meteoritə bənzətdi

Tarix: 19-09-2018 16:59     Baxış: 3283 A- / A+
Köçəryan Paşinyanı “tez alışıb yanan” meteoritə bənzətdi

Ermənistanın ikinci prezidenti, 2008-ci ilin 1 mart hadisələrinə görə cinayət məsuliyyətinə cəlb edilən, az sona isə buraxılan Robert Köçəryan siyasətə qayıtmaq niyyətində olduğunu deyib. Musavat.com-un məlumatına görə, bu barədə o, “Kommersant” qəzetinə müsahibəsində deyib.

“Bu, partiya və ya hərəkat şəklində də ola bilər, hansısa partiyaya fəal siyasi dəstək formasında da. Yəni fərdiləşə də bilər, bilməyə də. Belə demək mümkündür ki, hələ dəqiqləşdirməmişəm. O cümlədən baş verənlər səbəbindən qərarımı hələ verməmişəm. Düşünmürəm ki, Ermənistanda nə baş verdiyini bilən var”, - deyə o qeyd edib.

Bununla belə o, Ermənistanda artıq hakimiyyət dəyişikliyinin baş verdiyini söyləyib: “Fikrimcə, Paşinyan cəmiyyətdəki narazı ovqatı hiss edərək, vaxtında ona başçılıq edə bilib – hansı ki, hakimiyyət dəyişikliyi ilə nəticələndi. Bu, təsirli idi. İnsanlarda əvvəlki iqtidarlarla bağlı bir yorğunluq var idi. Əks halda çətin ki, belə kütləvi hərəkat olaydı. Ancaq bilirsinizzmi, populizm üzərində hakimiyyətə gəlmək olar – müasir tariximizdə belə nümunələr çoxdur. Belə situasiyalarda hakimiyyətə gəlmək asan, hakimiyyətdən getmək isə olduqca qəlizdir. Sən populizm sayəsində gəlirsən, amma gedəndə gərək ləyaqətlə, real nəticələrlə gedəsən. Ötən 4 ay göstərdi ki, hələ ki, bütün istiqamətlərdə praktik olaraq, problemlərin akkumulyasiyası (toplanması – red.) gedir. Mənim siyasətə qayıdışımın səbəblərindən biri budur”.

Köçəryanın sözlərinə görə, 4 ay hakimiyyətin nə dərəcədə bacarıqlı olduğunu, hansı dəyələrə söykəndiyini və sistemli işə qadir olduğunu bilmək üçün yetərli zamandır: “Bu müddətdə mən başa düşdüm ki, yeni hakimiyyət xaotikdir, iqtisadiyyatdan baş açmır, aydın hərəkət proqramına malik deyil. Hökumətin tərkibi eklektikdir, dəqiq geosiyasi prioritetlər yoxdur. Kifayət qədər parlaq lider var, lakin onun populizmə israrlı səyi ciddi narahatlıq doğurur. Mənə bu, Uqo Çaves stilində Latın Amerika populizmini xatırladır. Əgər diqqətlə baxsaq və analogiya aparsaq, bunlar çox oxşardır”.

Eks-prezident Paşinyanı çox tez alışıb yanan meteoritə və ya kometaya bənzədib. O, həmçinin indiki hakimiyyəti Qarabağ danışıqlarını torpedalamaqda ittiham edib: “Mən uzun müddət Qarabağla bağlı danışıqlar aparmışam. İstənilən danışıq müharibədən yaxşıdır. Məsələ onda deyil ki, poza tutub populist şüarlar söyləyəsən – hansı şüarları ki, həyəcanlı kütlə populist ruhda qəbul edəcək. Söhbət incə diplomatik və peşəkar işdən gedir. Bu, o mövzulardan deyil ki, mitinq müzakirələrinin predmeti olsun. Bu məsələdə istənilən ehtiyatsızlıq təmas xəttində atışmaların intensivliyində əks-səda verərək, səngərdə olanların həyatına təhlükə yaradacaq. Bundan sadəcə, imtina eləmək lazımdır. Xüsusən də o adamlar ki, orduda xidmət etməyiblər (Paşinyanı nəzərdə tutur – red.), ömürləri boyu ön cəbhədə olmayıblar, hərbi xidmətdən yayınıblar”.

Ermənistanın ikinci prezidenti Rusiya prezidenti Vladimir Putinin onu ad günü münasibətilə təbrik eləməsinə də münasibət bildirib. Köçəryan bunu ciddi dəstək adlandırıb. “Bu zəng – ciddi dəstək jestidir, ancaq mən belə münasibətləri heç vaxt gözə soxmamışam”, - deyə o, iddia edib.musavat.com

Manevr.az

Xəbəri paylaş







Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Yanvar 2025    »
BeÇaÇCaCŞB
 12345
6789101112
13141516171819
20212223242526
2728293031 
Sorğu


Portalımızı dəyərləndirin.



Çox oxunanlar