Xəbər lenti
Mətbuat Şurasının sədri xəstəxanada jurnalisti ziyarət etdi
Manevr.az xəbər verir ki, bu gün səhər saatlarında Mətbuat Şurasının sədri, millət vəkili Əflatun Amaşov jurnalist Zabil Müqabiloğlunu 1 saylı Şəhər Kliniki Xəstəxanasında ziyarət edib.
Bu barədə Pia.az-a Zabil Müqabiloğlu özü məlumat verib.
Mətbuat Şurasının sədri, millət vəkili Əflatun Amaşov İranda səfərdə olmasına baxmayaraq, Zabil Müqabiloğlunun səhhəti ilə mütamadi olaraq maraqlandığını və Səhiyyə Nazirliyi ilə davamlı əlaqədə olduğunu bildirib. İrandan qayıtdıqdan sonra isə Əflatun Amaşovun ilk işi tanınmış jurnalisti xəstəxanada ziyarət etmək olub. Xəstəyə can sağlığı diləklərini çatdıran Mətbuat Şurasının sədri qeyd edib ki, Zabil Müqabiloğlunun müalicəsi və əməliyyatı ilə bağlı müvafiq dövlət qurumlarına rəsmi olaraq müraciət edib. Əflatın Amaşov jurnalistin müalicəsinin dövlət yardımı ilə aparılacağına da ümid etdiyini dilə gətirib.
Xatırladaq ki, jurnalist Zabil Müqabiloğlunun səhhəti kəskin pisləşib. Beş gün öncə mədə-bağırsaq qanaxması diaqnozu ilə 1 saylı Şəhər Kliniki Xəstəxanasının reanimasiya şöbəsinə yerləşdirilən həmkarımızın durumu ağır olaraq qalır. Həkimlərin müdaxiləsindən sonra mədə-bağırsaq nahiyəsində qeydə alınan daxili qanaxma dayandırılıb. Məlum olub ki, qanaxma qaraciyərin serrozu portal - hipertensiya, qida borusu venasının varikoz genişlənməsindən yaranıb. Zabil Müqabiloğlunun qaraciyər transplantasiyasına ehtiyacı var.
Qeyd edək ki, Zabil Müqabiloğlu uzun illər "Yeni Müsavat" qəzetində redaktor vəzifəsində çalışıb. Son illər isə "Gunxeber.com" saytına rəhbərlik edib.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar