Xəbər lenti
Moskvada həbs edilən azərbaycanlı Məmmədəli Ağayev KİMDİR? - DOSYE
Rusiyada hüquq-mühafizə orqanları tərəfindən saxlanılan Moskva Akademik Satira Teatrının keçmiş direktoru Məmmədəli Hüseyn oğlu Ağayev 3 sentyabr 1952-ci ildə Naxçıvan MR Babək rayonu Qaraxanbəyli kəndində anadan olub.
Manevr.az xəbər verir ki, Məmmədəli Ağayev orta məktəbi bitirdikdən sonra Azərbaycan Dövlət İncəsənət İnstitutuna daxil olub və 1974-cü ildə həmin ali məktəbi bitirib.
O, əmək fəaliyyətinə 1975-1979-cu illərdə Naxçıvan Musiqili Dram Teatrının baş redaktoru kimi başlayıb. Daha sonra fəaliyyətini Rusiyada davam etdirib.
Beləliklə, Məmmədəli Ağayev:
1979-1981-ci illərdə Moskva Akademik Satira Teatrının stajyor-direktoru;
1981-1984-cü illərdə Moskva N.V. Qoqol Teatrının baş inzibatçısı;
1984-1985-ci illərdə N.İ. Satsın rəhbərliyi ilə Moskva Dövlət Uşaq Musiqili Teatrının baş inzibatçısı;
1985-ci ilin iyun ayından Moskva Akademik Satira Teatrının baş inzibatçısı, direktor müavini, idarəedici direktoru işləyib.
1992-2021-ci illərdə Moskva Akademik Satira Teatrının direktoru olub.
Armen Ciqarxanyanın rəhbərliyi ilə Moskva Dram Teatrının birləşməsi və Sergey Qazarovun birləşmiş teatra bədii rəhbər təyin edilməsindən sonra o, öz istəyi ilə bu vəzifədən gedib.
Ağayev fəaliyyəti dövründə Rusiyada bir çox fəxri adlara və mükafata da layiq görülüb.
1995-ci ildə RF Əməkdar mədəniyyət işçisi, 2018-ci ildən isə RF əməkdar artistidir.
1999-2000-ci illər mövsümü üçün "Ən yaxşı rejissor" nominasiyasını qazandığı üçün “Moskovski Komsomolets” qəzetinin redaksiya heyəti tərəfindən mükafatlandırılıb.
2002-ci ildə Moskva rəhbərliyinin Fəxri Diplomu;
2003-cü ildə İkinci dərəcəli “Vətənə xidmətə görə” medalı;
2012-ci ildə “Dostluq” ordeni (Rusiya);
2017-ci ildə “Dostluq” ordeni (Azərbaycan);
2020-ci ildə Rusiya Prezidentinin Fəxri Fərmanı ilə təltif edilib.
Xəbəri paylaş
Çox oxunanlar
Son yüklənənlər
Axtarış
Reklam
Kriminal
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar