.png)
Xəbər lenti
Günahın özündən də pis olan dörd xislət
Qurani Kərimdə Mütəal Allah bəzən insanı tərifləyir, yəni onu izzət, şərəf sahibi bilir, bəzən də insanı günahkar, ziyan içində olan adlandırır.
Təfsir alimləri bu mətləbə aydınlıq gətirərək insanı iki mövqedən xarakterizə edirlər. Biri insanın zati xüsusiyyət və potensialı, ikincisi isə insanın əldə etdiyi mənəvi vəziyyəti.
Manevr.az islaminsesi.info-ya istinadən bildirir ki, insan Allahı tanımaq, Ona bəndə olmaq, ibadət etmək, dərrakəyə və qəlbə (ruha) malik olmaq baxımından maxluqat içərisində misli olmayan bir varlıqdır. Bu potensial və qabiliyyət insana şərəf və izzət qazandırır və bu daimi olaraq onun Allah tərəfindən bəxş edilmiş "sərmayəsidir". Digəri isə insana qiymət və dəyər qazandıran düşüncə və əməlləridir. Bu düşüncə və əməlləri ilə insan həm müsbətə doğru tərəqqi, həm də mənfiyə doğru tənəzzül edə bilər.
İnsan yüksəldikcə yüksələ bilən, alçaldıqca alçala bilən bir varlıqdır. Bütün İlahi dinlər və peyğəmbərlər (ə) məhz insanı yüksəlişə dəvət və kiçildikcə kiçilməkdən çəkindirmək üçün Allah Təala tərəfindən məmur edilib. Allah Rəsulu (s) insanı öz şərafət məqamından aşağı salan, onu kiçiltdikcə kiçildən dörd mühüm mətləbə işarə edərək buyurub:
أربعة في الذنب شر من الذنب :الاستحقار ، والإِفتخار ، والإِستبشار ، والإِصرار
Dörd şey vardır ki, günahın özündən də şərrdir (pisdir):
Təhqir- Kimsəni təhqir etmək onun haqqını qəsb etməkdən, malını oğurlamaqdan, hətta canını almaqdan daha betərdir.
İftixar- Bəzən insan günah edir, haram yeyir, içki içir, əxlaqsızlığ edir, bu azmış kimi çıxıb insanlar arasında etdiyi əxlaqsızlığı fəxrlə də danışır.
Sevinmək- Bu, günahdan sonrakı bir haldır ki, iftixara bərabər olan bir əməldir. İnsan etdiyi əxlaqsızlığı, pis əməli pəxrlə sevinə-sevinə danışır.
İsrar- davamiyyət mənasındadır. Bütün bu deyilənlərdən zərrəcə geri düşməmək, hətta davamına israrlı olmaq mənasındadır.
Deyilən bu xislətlər nəinki günah, günahın özündən də artıqdır. Çünki Rəhman Allahın günahkarı bağışlamasına ümüd var. Amma bu xislətlərə sahib olduğu halda insanın bağışlanmağından heç danışmağa dəyməz. Bu kimi düşüncə və əməllər insanı kiçiltdicə kiçildən, onun zati dəyərinə kölgə salan işlərdir.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar