"Çoxmərtəbəli binalarda yaşayan vətəndaşların binanın texniki vəziyyəti ilə bağlı müəyyən arayışlar əldə etmək ixtiyarı var. Çıxarış varsa, bina istismara qəbul edilmiş hesab olunur. Deməli, Fövqəladə Hallar Nazirliyindən müvafiq sənədlər alınıb və dövlət bunun təhlükəsizliyini qəbul edib”.Manevr.az xəbər verir ki, bunu bakupost.az-a açıqlamasında əmlak məsələləri üzrə ekspert Ramil Osmanlı deyib.
O bildirib ki, binaların seysmik vəziyyəti ilə bağlı layihələr hazırlanarkən ilk növbədə, həmin tikilinin zəlzələyə davamlılığı nəzərə alınır. Çoxmərtəbəli yaşayış binası tikilərkən onun zəlzələyə davamlılığı sənədlərdə göstərilir və aidiyyatı dövlət qurumları bunu təsdiqləyir:
"Fövqəladə Hallar Nazirliyi və onun ayrı-ayrı strukturları binanın davamlılığını yoxlayır və tikintiyə icazə verir. Mənzil-Tikinti Kooperativləri (MTK) binanı tikərkən zəlzələyə davamlılığı, texniki vəziyyəti, istismara yararlılıqla bağlı dövlət orqanlarından müəyyən aktlar alır.Vətəndaşlar da MTK-ya müraciət edib binanın fövqəladə hallarda davamlılığı ilə bağlı sənəd istəyə bilərlər”.Ekspert qeyd edib ki, inşa olunan hər bir binada təhlükəsiz nöqtələr var. Bina sakinlərinə bu nöqtələr barədə məlumat verilməlidir:
“Binaların inşaat planında mənzildə daşıyıcı divarların haradan keçməsi ilə bağlı məlumatlar var. Vətəndaşlar zəlzələ olduğu halda daşıyıcı divarların yerini bilməli və orada dayanmalıdırlar. Hər binanın konstruksiyasına uyğun bu divarlar fərqli yerlərdə olur. Tikinti şirkətləri bu barədə mütləq şəkildə sakinlərə məlumat verməlidirlər”.
.png)
