Xəbər lenti
Başqasının kartına səhvən köçürülən pulu necə geri alaq?
Sosial şəbəkədə çox sayda insan bankların əksər vaxtı eyni cavabı verdiyini deyirlər: “Vəsaiti köçürdüyünüz şəxs telefon zənglərinə cavab vermir”.
Manevr.az xəbər verir ki, banklar şikayətçilərə məsləhət görürlər ki, polisə müraciət etsinlər. Ancaq bu durumla qarşılaşan insanların əksəriyyəti iddia edirlər ki, polisə müraciət etsələr də, pullarını geri ala bilməyiblər. Müşahidələrimiz göstərir ki, başqasının kartına səhvən vəsait köçürən şəxslərin hər 10 nəfərindən 9-u pulunu geri ala bilmir.
Bəs bu problem necə çözülməlidir?
Maliyyə-bank məsələləri üzrə ekspert, hüquqşünas Əkrəm Həsənov bakupost.az-a bildirib ki, belə bir səhvə yol verən şəxs pul köçürülən şəxsin kartı hansı banka aiddirsə, öncə həmin bankla əlaqə saxlamalıdır:
“Bank da öz növbəsində həmin müştərisinə pulun ona səhvən köçürüldüyü barədə məlumatı çatdırmalıdır. Amma bank sirr olduğundan müştərisinin adını açıqlamamalıdır. Həmin şəxs könüllü olaraq pulu qaytarmaq istəsə, qaytaracaq. Qaytarmaq istəməsə, bank bunu ona məcbur edə bilməz”.
Belə vəziyyətdə müsahibimizə görə, çıxış yolu məhkəməyə müraciət etməkdir:
“Kartdan pul köçürərkən səhvə yol verən vətəndaş qarşı tərəfi, daha doğrusu, pula sahib olanın bankını “əsassız varlanma” iddiası ilə məhkəməyə verə bilər. Burada başqa yol yoxdur. Məhkəmədə isə həmin bank pulun əslində kimə çatdığını bildirəcək. Bu vətəndaş da sonrakı prosesdə məhkəməyə gələrək, səhvən əldə etdiyi vəsaiti niyə qaytarmadığını izah etməlidir. İzah edə bilməsə, məhkəmənin qərarı ilə pul geri, əsl sahibinə qaytarılacaq. Bu zaman iddia ilə çıxış edən vətəndaş həmçinin məhkəməyə çəkdiyi xərcləri də tələb edə bilər”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar