.jpg)
Xəbər lenti
İllərlə müzakirəsi aparılan önəmli məsələ COP29-da həllini tapdı - VİDEO
Baku TV "COP-BAKU" layihəsi çərçivəsində COP29-un dördüncü günü haqqında reportaj hazırlayıb.
Bildirilib ki, 14 noyabr tarixində Azərbaycanın dörd dövlət qurumu müxtəlif müzakirələrdə iştirak edib. Bununla yanaşı, dünyanın tanınmış elmi mərkəzləri yeni təkliflərlə iqlim dəyişikliyi ilə mübarizəyə töhfə verməyə çalışıblar.
Qeyd edilib ki, qlobal maliyyə sisteminin iqlim dəyişikliyi ilə mübarizədə özəl sektora təsiri müzakirə edilib. Burada əsas məqsəd inkişaf etməkdə olan ölkələrin biznes dairələrini iqlimi qorumaq üçün səfərbər etməkdir.
Ötən üç gün ərzində COP29-da aparılan müzakirələrin bir hissəsi ilə bağlı artıq yekun qərarlar da verilib. Bunlardan biri İtki və Zərər Fondunun fəaliyyətə başlaması üçün ev sahibi ölkə ilə bağlı Sazişin imzalanması, Fonda icraçı direktorun təyin edilməsi və İsveç tərəfindən 19 milyon dollar həcmində vəsaitin ayrılması olub.
Əldə edilən razılaşmalar barədə "COP-BAKU"ya danışan COP29-un baş danışıqçısı Yalçın Rəfiyev 10 ildir müzakirəsi aparılan önəmli bir məsələnin də artıq həll edildiyini vurğulayıb.
"Dünya karbon ticarəti bazarlarında standartların tətbiqi ilə bağlı verilən qərar COP29 üçün olduqca vacib idi. Çünki COP-un başlanğıcında belə bir qərarın verilməsi praktikası yoxdur. Adətən sonda bu qərarlar verilir. İlk gündən sözügedən addımın atılması bizim tərəfimizdən ilin əvvəlindən etibarən aparılan işin nəticəsi idi", - deyə Yalçın Rəfiyev qeyd edib.
COP29-un baş danışıqçısı iqlim dəyişiklikləri ilə mübarizənin maliyyələşdirilməsi ilə bağlı da vacib razılığa gəlindiyinə diqqət çəkib.
"Dünya Bankı, Avropa Yenidənqurma və İnkişaf Bankı, Asiya İnkişaf Bankı, İslam İnkişaf Bankı və Çoxtərəfli İnkişaf Bankının ümumi töhfəsi elan olunub ki, onlar növbəti beş il ərzində iqlim fəaliyyətinə 170 milyard ABŞ dolları vəsait ayıracaqlar. Əvvəlki rəqəm 75 milyard idi. Bu qədər artım ev sahibi olan ölkəmizə göstərilən hörmətin nəticəsidir".
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar