.jpg)
Xəbər lenti
Stanislava Plyaskovitska-Rımkeviçin “Məhəmməd Süleyman oğlu Füzuli” kitabı işıq üzü görüb
Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun Füzulişünaslıq sektorunun Füzuli kitabxanası seriyasından polyak şərqşünası Stanislava Plyaskovitska-Rımkeviçin (1914-1989) “Məhəmməd Süleyman oğlu Füzuli” (Həyat və yaradıcılığının tədqiqi) kitabı işıq üzü görüb.Qeyd edək ki, kitab müəllif tərəfindən polyak dilində 1973-cü ildə yazılıb. Əsər Ədəbiyyat İnstitutunun Elmi Şurasının 15 yanvar 2024-cü il tarixli 1 saylı qərarı ilə nəşr edilib. İlk dəfə Azərbaycan dilində oxuculara təqdim olunan monoqrafiyanın elmi məsləhətçisi və “Polyak şərqşünaslığının Füzuli səhifəsi” adlı Ön sözünün müəllifi AMEA-nın prezidenti, akademik İsa Həbibbəylidir.
Kitabı polyak dilindən tərcümə edən, polyak dilində mətnin elmi redaktoru, “Füzuli Polyak türkologiyasında” giriş sözünün müəllifi Dünya ədəbiyyatı və komparativistika şöbəsinin müdiri filologiya elmləri doktoru, professor Gülər Abdullabəyova, Azərbaycan dilində mətnin elmi redaktoru, “Stanislava Plyaskovitska-Rımkeviç və onun “Məhəmməd Süleyman oğlu Füzuli” monoqrafiyası” giriş sözünün müəllifi Füzulişünaslıq sektorunun müdiri filologiya elmləri doktoru Ataəmi Mirzəyevdir.
228 səhifəlik kitabda Məhəmməd Füzulinin dövrü, mühiti, ədəbi şəxsiyyəti, yaradıcılığı haqqında ətraflı məlumat verilir, şairin “Bəngü-Badə” poemasının polyak dilində tərcüməsi təqdim olunur.
Gülnar Səma Nizami Gəncəvi adına Ədəbiyyat İnstitutu,
İctimaiyyətlə əlaqələr şöbəsi
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar