.png)
Xəbər lenti
Növbəti “mina” harada partlayacaq? – Müharibə təhlükəsi olan üç bölgə
“Rusiya-Ukrayna müharibəsi dünya miqyasında silahlanma xərclərini artıracaq”.Manevr.az xəbər verir ki, bunu politoloq Ərəstun Oruclu deyib.
Ekspert Rusiya-Ukrayna müharibəsi fonunda baş verən geosiyasi proseslərə diqqət çəkib: “Blumberq nyus” bildirir ki, Rusiyanın Ukraynaya hərbi təcavüzü dünyada ciddi ərzaq çatışmazlığı problemi yaradacaq. Bu iki ölkə dünyanın əsas taxıl ixracatçıların biridir. İnsanların enerji tələbatının 40 faiz də buğdanın, qarğıdalının və düyünün hesabına ödənilir.
Nəticədə dünyada bu məhsulların qiyməti təxminən 22 faiz artacaq, bu da 45 milyonadək insanın aclığa məruz qalmasına səbəb olacaq. Əlbəttə, ürəkaçan proqnoz deyil. Başqa bir təhlükə isə silahlanmaya xərclərin artacağı tendensiyasıdır.
Ukrayna böhranınadək müdafiə sahəsinə ÜDM-in 1.3% xərcləyən Almaniya bu rəqəmi 2% qaldırıb. Əvvəl 70 milyard avro təşkil edən hərbi büdcə gələn il 100 milyarda çatdırılacaq. Bu da öz növbəsində sosial xərclərin azaldılması deməkdir”.
Ərəstun Oruclu ABŞ-Çin münasibətlərindəki problemlərə də diqqət çəkib:
“Çin-ABŞ münasibətləri də əvvəlki qədər hamar görünmür. Rusiyanın Pekindən silah və hərbi sursat istəməsinə ABŞ dərhal reaksiya verib. Çinə bu addımı atacağı halda adekvat tədbirlərlə üzləşəcəyi barədə xəbərdarlıq olunub.
Buraya Səudiyyə Ərəbistanı şahzadəsinin və Dubay əmirinin ABŞ prezidenti ilə telefon danışıqlarından imtina etməsini əlavə etdikdə, gərginliyin coğrafiyasının bir qədər də genişləndiyini görürük.
Nəhayət, İranın İraq Kürdüstanındakı ABŞ konsulluğunu raket atəşinə tutması və digər məsələlər də proseslərin yüksələn xətlə inkişaf etdiyini göstərir. Təbii ki, müsbət heç bir şey vəd etməyən xətlə.
İndi sual budur ki, növbəti mina harada və hansı gücdə partlayacaq: Yaxın Şərqdə, Avropada, yoxsa Uzaq Şərqdə? Belə minaların sayı isə lazım olduğundan dəfələrlə çoxdur. Hələlik Rusiya Ukrayna cəngəlliyində çapalamaqdadır”./teleqraf.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar