Sizin Reklam Burada
Xəbər lenti
25 yanvar
24 yanvar
BÜTÜN XƏBƏRLƏR

Gülnar Hüseynova:"Bütün gecələri sevirəm, çünki, İsa bulağından yuxum su içir..." -ŞEİRLƏR

Tarix: 12-12-2019 11:44     Baxış: 2139 A- / A+
Gülnar Hüseynova:"Bütün gecələri sevirəm, çünki, İsa bulağından yuxum su içir..."

Manevr.az gənc şair Gülnar Hüseynovanın şeirlərini təqdim edir və gənc müəllifə yaradıcılıq uğurları diləyir. İnanırıq ki, Gülnar xanım yeni yaradıcılıq axtarışlarını davam etdirəcək və gələcəkdə daha mükəmməl yaradıcılıq nümunələri ilə oxucuların görüşünə gələcək. Uğurlar...

***
Payıza sirr verdim, bahara könül,
Qışın göz yaşını silməyim deyə.
Qəmin sinəsindən ana südütək,
Əyilib dərd əmdim ölməyim deyə.

Bəxtimə su səpdim bəxtim gül açsın,
Sevincim yerisin, kədərim qaçsın.
Həsrətin hər sabah günəşdir saçsın,
Vaxtsız gedişini bilməyim deyə.

O qədər içimdən ağladım ki, mən,
Dilimlə qəlbimi dağladım ki, mən,
Yuxumu qundaqtək bağladım ki, mən,
Yuxumda yanına gəlməyim deyə.

***
Necə böyük dağ var sinəmin üstə,
Qaysaq bağlasa da, qanı dayanmır.
Baxır illərdi ki, gözləri yaşlı,
Səbri döz desə də, canı dayanmır.

Mənim qəhərimin dodaqları da,
Şuşadan danışır çəkərək həsrət.
Mənim ürəyimin ayaqları da,
Şuşaya yollanır gecələr xəlvət.

Bütün dərdlər belə unudularmış,
Tək vətən dərdini unutmaq olmur.
Şuşa, anam mənim, eşit səsimi,
Balanı anasız ovutmaq olmur.

Cismim səndən uzaq, ruhum səninlə,
Şuşam, Cıdır düzün qəlbimdən keçir.
Bütün gecələri sevirəm, çünki,
İsa bulağından yuxum su içir.

Mənim Şuşa boyda anam var, dünya!
Eşit harayımı yetim deyiləm.
Qarabağ atamdır, gücsüzəm sanma,
Dünyanın önündə çökəm, əyiləm.

***
Bütün ayrılıqlar ev-eşik oldu,
Vüsal boş yellənən bir beşik oldu,
Acılar ömrümə dost, keşik oldu,
Sevinci dadmağa macal vermədi.

Bəxtimdən soruşdum halın necədi?
Doldu gözlərindən qara gecədi.
Dedi, ayrılıq da eşqə səcdədir,
Aldı onu məndən əcəl vermədi.

Oldu yanağımda su məhəbbətim,
Yalvardım kədəri yu, məhəbbətim,
Göylərdə qanad aç qu məhəbbətim,
Dindi hələ tezdi, qocal, vermədi.

Gülnar Hüseynova
Manevr.az








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının ilk hərfini yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Yanvar 2020    »
BeÇaÇCaCŞB
 12345
6789101112
13141516171819
20212223242526
2728293031 
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar