.png)
Xəbər lenti
COVID-19, ya peyvəndlənmə TƏHLÜKƏLİDİR? - Həkimdən mühüm AÇIQLAMA
Manevr.az xəbər verir ki, bununla bağlı sfera.az-a açıqlama verən tibbi elmləri doktoru, professor Musa Qəniyev deyib ki, peyvəndlərin qadın və kişi sonsuzluğuna səbəb olması haqqında fikirlər əsassızdır.
Onun sözlərinə görə, koronavirusun gedişinin faciələr yaşadacağı beyinlərə yeridilir:
"İstənilən vaksin çoxalmaya xidmət edən deyil, spesifik antigenin əmələ gəlməsinə xidmət edən genin daşıyıcısı olduğundan, onun sonsuzluğa səbəb ola bilməsi qeyri-mümkündür. Vaksin fonunda əmələ gələn antitellərin qadın və ya kişi sonsuzluğuna səbəb olma ehtimalına gəldikdə isə, bunun inkarı məntiqi elmi təhlilə istinad edir. İddia olunur ki, peyvənd nəticəsində əmələ gələn antitellər tək COVID-19-un zülal təbiətli genom strukturunu deyil, həm də dölün mövcudluğunun təminatçısı olan, ciftin əmələ gəlməsinin təməl əsası, Sinçitin-1 proteininə qarşı da yüksək affinlik göstərərək, onu inaktivləşdirir. Nəticədə qadınlarda reproduktiv funksiya geridönməz şəkildə bloklanır. Bu fikir tamamilə yanlış və əsassızdır".
Professor qeyd edib ki, kişi sonsuzluğu istiqamətində də müəyyən fikirlər səsləndirilir:
"Bunu COVID-19-dan ölmüş şəxslərin toxumluğunda virusların aşkar olunması, eləcə də toxum mayesinin həssas genom quruluşu səbəbindən, mRNT tərkibli peyvəndlərin onlara aktiv nüfuz edəcəyi, xüsusən X və Y xromosom subvahidlərə çarpaz bağlanacağı, fertil funksiyanı "supressiv” hala gətirəcəyilə əsaslandırırlar. Əvvəla mRNT molekulunun S-altvahid adlanan bağlanma sahəsi, xromosomlarda deyil, hüceyrə DNT-nin səthi aktiv nöqtəsinə lokalizasiya olunur. Digər tərəfdən, Leydiq divararalığı hüceyrələrində - qrandulositlərdə əmələ gələn spermatozoidlərin hamısı deyil, yalnız məhdud faiz nisbətində olan və "üzgüçülər” adlandırılanları, qadınlarda yumurta hüceyrəni mayalandırmaq qabiliyyətinə malikdir. Yəni, nəsil artırmada yalnız bu spermatozoidlər iştirak edir. Yüksək hərəkətlilik qabiliyyətinə malik olan "üzgüçülər” səthi aktiv bağlanma-reseptor mexanizmlərə malik deyildir və istənilən aqressiv vasitənin təsirinə inertdir. Odur ki, antitel məlum subvahidlərə nüfuz edə bilsə belə heç bir halda "üzgüçülər”ə bağlanaraq kişilərdə fertil funksiyanı süstləşdirə və sonsuzluğa səbəb ola bilməz".
M.Qəniyev əlavə edib ki, koronavirus əleyhinə vaksinlərin qadın və ya kişi sonsuzluğuna səbəb ola bilməsi haqqında bütün söylənilənlər cəfəngiyyatdan başqa bir şey deyil.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar