"Uşağınızın ayağı gecələr ağrıyırsa, bu, revmatizm deyil"

“Övladınızın ayağı gecələr ağrıyırsa, bu, revmatizm deyil”.
Manevr.az xəbər verir ki, bu sözləri pediatr Aytən İsmayılzadə deyib. Onun sözlərinə görə, revmatizm xəstəliyində gecə ayaq ağrıları kim bir əlamət olmur:
“Buna görə analiz də lazım deyil. Onsuz da revmatizm xəstəliyi analiz ilə diaqnozu qoyulan xəstəlik deyil, bunu unutmayın. Revmotestlər heç bir şey ifadə etmir.

Bir çox valideyndən bu şikayəti eşidirik ki, gecələr uşağın ayaqları ağrıyır. Uşaq hətta bu ağrıdan oyanıb ağlayır. Analar uşağın ayaqlarını ovxalayır, kamfora yağı çəkir və ağrı xəfifləyir.
Bu gecə ağrıları böyümə ağrılarıdır. Daha çox əzələ-bağ boşluğu olan uşaqlarda çox görülür”. Niyə bu cür ağrılar olması və məhz gecə tətiklənməsi ilə bağlı suala gəlincə isə pediatr bildirib ki, böyümə faktoru gecə artır:
“Böyümə prosesi elə sürətli olmasa da, sümüklərin böyüməsi, sümüklərə birləşmiş sümüküstlüyünün gərilməsinə, ordakı sinir uclarının qıcıqlanmasına gətirir. Bu da ağrı ilə nəticələnir. Ayağınız öndən bir yerə dəyəndə, sümük dəyəndə olan ağrını yadınıza salın. Həmin ona uyğum bir hiss olur. Masaj etdikdə, ovxaladıqda, isti vanna etdikdə qan dövranı aktivləşir, sinir ucları sakitləşir. Bu ağrılar üçün uşağa ağrıkəsicilər verməyin. Revmatizm yoxlanaq üçün lazımsız analizlər etdirməyin. Vaxt keçdikcə ağrılar azalır və şikayətlər olmur”.
A.İsmayılzadə əlavə edib ki, birləşdirici toxuması displaziyası olan yəni hipermobil uşaqlarda da gecə ayaq, oynaq ağrıları ola bilər:
“Bu onların gün ərzində gərgin qalması, əzələ gücünün zəif olması hesabından bağların yüklənməsi səbəbindən olur. Əsasən də oynaqətrafı bağlar boş və uzun olur və narahatıq da elə orda baş verir.
Gündüz vaxtı çox oynayıb, çox yol gedən uşaqlar gecə narahat yatacaq.
Bağ boşluğu olan uşaqlar skolioza meyilli olur, ayaqlarda valgus və s. olur.
Belə uşaqlara dəniz duzu ilə vannalar etmək, yayda sahildə quma basdırmaq (silisium kollagen sintezi üçün vacibdir, kollagen isə bağların tərkib hissəsidir) , dənizdə çimmək (talassoterapiya), yosun aplikasiyaları faydalı olar”.ölkə.az