.png)
“Bu problemlə bağlı dəfələrlə, hətta parlamentdə məsələ qaldırılsa da, Elm və Təhsil Nazirliyi tərəfindən tədbir görülməyib. Birinci və aşağı sinifdə oxuyan uşaqların çantası onlardan böyük və ağır olduğundan güclə daşıyırlar. Hətta çantalar çəkisi və ölçüsü 5-9 yaşlı uşaqların şagirdlərin boyundan, çəkisindən ağır olduğundan güclə daşıyırlar. Bununla skolioz olurlar. Düzdür, bununla bağlı Təhsil Naziriliyi və yaxud digər qurumlar tərəfindən monitorinq aparılıb, ya yox bilmirəm. Amma bu ciddi problemdir və valideynləri narahat edir”, - deputat qeyd edib.
Yaranmış vəziyyətdən çıxış yolu kimi deputat hesab edir ki, vaxtı ilə həm evdə, həm də məktəblərdə də dərsliklər olurdu. “Şagird daha evdən məktəbə kitab aparmırdı, sinifdəki dərslikdən istifadə edirdi. Bu praktikanı tətbiq etməklə yaranmış problemi həll etmək olar. İkincisi, dərs proqramını yüngülləşdirmək və azaltmaq yolu ilə ola bilər. Çünki ibtidai sinif şagirdlərini bu qədər ağır dərs proqramı ilə yükləmək olmaz. Əslində, ibtidai siniflərdə daha yüngül dərs proqramları ilə daha effektiv tədrisə nail olmaq olar. Uşaqlara bilik öyrətmək olar, nəinki indiki həddən artıq yüklənmə ilə... İndiki dərs proqramı həddən artıq çətin və mürəkkəb olduğundan uşaqlar proqramı tam dərk edə bilmir. Nəticədə valideynlər məcbur olub aşağı sinif şagirdlərinə repetitor tutmalı olurlar. Buna da heç də hamının imkanı çatmır. Təklif edirəm ki, yeni dərs ili başlamamışdan Təhsil Nazirliyi bu istiqamətdə ciddi addımlar atıb, məsələni həll etsə, yaxşı olar. Bununla həm valideynlər, həm də aşağı sinif şagirdləri üzləşdiyi problemdən xilas ola bilər. Çünki uşaqların çantalara gücü çatmadığından onlara mütləq böyüklərin yardımına ehtiyac duyur. Bir çox hallarda isə valideynlər də bəzi səbəblərdən uşaqları məktəbə yola sala bilmir. Bu zaman uşaqlar çantanı daşıya bilmədiyindən çox çətinlik çəkirlər. Odur ki bu problem mütləq həllini tapmalıdır”, - o qeyd edib.ölkə.az
