''Azərbaycan-Türkiyə Sağlamlıq Turizmi" konfransı keçirilib

Milli Məclisin üzvü Müşfiq Məmmədli və deputat həmkarı Vüqar Bayramov da konfransda  iştirak edib. 

Müşfiq Məmmədlinin Manevr.az-a verdiyi açıqlamaya görə, konfransın keçirilməsində əsas məqsəd post-pandemiya dövründə Azərbaycan turizm sektorunun inkişafında sağlamlıq turizminin əhəmiyyəti, beynəlxalq təcrübələrin öyrənilməsi və turizm məhsulu kimi turizm şirkətləri şəbəkəsində əməkdaşlıq imkanlarının dəyərləndirilməsi idi: "Konfransda  ''Azərbaycan Turizm Agentlikləri Assosiasiyası'', ''Azərbaycan Sağlamlıq və Termal Turizmə Dəstək Assosiasiyası'', ''PMD Hospitality Group'', ''Skal International Baku Turizm Peşəkarları Assosiasiyası'', ''Azərbaycan Sahibkarlar Konfederasiyası''-nın  təmsilçiləri iştirak edirdi. Dəvətə görə Liv Bona Dea Hospitalına təşəkkür edirəm", deyə deputat qeyd etdi.