.png)
ABŞ-ın Miçiqan Universitetinin alimləri xərçəng hüceyrələri üçün yeni qida mənbəyini - qlükoza olmadıqda onu əvəz edən uridini müəyyən ediblər.
Manevr.az xəbər verir ki, bu barədə “Nature” jurnalında dərc olunan məqalədə deyilir. Qeyd olunur ki, şişin inkişafı üçün müəyyən “yem” lazımdır. Bununla belə, bəzi orqanlarda, məsələn, mədəaltı vəzidə qan damarlarının az olması qlükozaya çıxışı məhdudlaşdırır. Xərçəng hüceyrələri ac qalır, lakin böyüməyə davam edir.
Alimlər siçanlar üzərində təcrübə apardıqdan sonra müəyyən ediblər ki, özləri üçün narahat olan şəraitdə xərçəng hüceyrələri uridindən istifadə edə bilirlər. Onlar həmçinin uridinin uridin fosforilaz 1 (UPP1) fermenti tərəfindən metabolizə edildiyini və onun bloklanmasının heyvanlarda mədəaltı vəzi şişlərinin əhəmiyyətli dərəcədə inkişafına səbəb olduğunu müəyyən ediblər.
Beləliklə, uridin istehsalını dayandıran dərmanlar potensial yeni müalicə variantları ola bilər. Lakin belə nəticələr əlavə araşdırma tələb edir.
Seçenov Universitetinin Levşin adına Klaster Onkologiya İnstitutunun direktoru İqor Reşetov tədqiqatı şərh edərək qeyd edib ki, uridinin mövcudluğu və mübadiləsi dövrü xeyli mürəkkəbdir və həm də normal (xərçəng olmayan) hüceyrələr üçün xarakterikdir.
“Buna görə də bu, elmin ön sıralarında olan bir araşdırmanın nəticələrindən yalnız biridir. Bununla belə, bundan yeni terapevtik metodun yaradılıb-yaradılmayacağı uzun araşdırmaların mövzusudur”, - deyə o, bildirib.publika.az
