Alimlər insan orqanizmində yeni üzv kəşf ediblər

Manevr.az xəbər verir ki, tədqiqat "Radiotherapy and Oncology" jurnalında dərc olunub.
Onkoloqlar baş və boyun xərçəngi haqqında daha çox öyrənmək üçün bədənin müəyyən hissələrini "vurğulayan" radioaktiv qlükoza ilə skanlardan istifadə ediblər. Tədqiqatçılar 100 xəstəni skan edərkən başın eyni iki sahəsini təkrar-təkrar açşkarlayıblar.

Sonda alimlər müəyyən ediblər ki, onlar nazofarenksin arxa hissəsində (burun arxasındakı farenksin yuxarı hissəsi) yerləşən bir sıra tüpürcək vəziləri tapıblar. Komanda bu cüt orqana "borucuq vəziləri" adını verib.
Tədqiqatın müəllifləri izah etdilər ki, insanlarda üç dəst əsas tüpürcək vəzi var, lakin nazofarenksdə heç biri tapılmamışdı. Nazofarenksdəki yeganə tüpürcək və ya selikli vəzlərin mikroskopik olaraq kiçik olduğu və selikli qişada bərabər paylanmış olduğu düşünülürdü.
Bu "borucuq vəziləri"nin kəşfi ilə onkoloqlar artıq bilirlər ki, fəsadların qarşısını almaq üçün bədənin bu hissəsi radiasiyaya məruz qalmamalıdır.ölkə.az